ब्रेकिंग

दुचाकीची मोटारीला धडक

Samruddhi Dhayagude
11 Jun 2025

एक ठार, एक जखमी

भोर, (प्रतिनीधी) : मोटारीला समोरून जोरदार धडक बसून झालेल्या अपघातात मोटारसायकलस्वार जागीच ठार झाला तर सहप्रवासी जखमी झाल्याचा प्रकार समोर आला आहे. ही घटना भोर कापूरहोळ रस्त्यावर माळवाडी फाटयाजवळ मगंळवारी सकाळी सव्वाआकराच्या सुमारास घडली. शुभम राजेंद्र पवार (वय- २६,रा.आळंदे, ता.भोर) असे मृत्यू झालेल्याचे नाव आहे. कुणाल जालींधर खोपडे (वय-२४) असे जखमी झालेल्याचे नाव असून त्याच्यावर येथील खाजगी रूग्णालयात उपचार सुरू आहेत.याप्रकरणी राजगड पोलीस ठाण्यात गुन्हा दाखल झाला आहे.

पंढरीनाथ केशव धावले (रा.तेलवडी, ता.भोर) असे गुन्हा दाखल झालेल्याचे नाव आहे. याबाबत सचिन जगन्नाथ पवार यांनी फिर्याद दिली. प्रत्यक्षदर्शनीने दिलेल्या माहितीनुसार धावले मोटार घेऊन भोरच्या दिशेने येत होते.

दरम्यान टेम्पोला ओहरटेक करून समोरून आलेली मोटारसायकल दुचाकीवर जोरदार आदळली. त्यामुळे शुभम उडून रस्त्यावर पडला. त्याच्या डोक्याला, छातीला गंभीर मार लागला. तर कुणाल गंभीर जखमी झाला. मोटारीच्या पुढच्या बाजूचे पूर्ण नुकसान झाले असून पाठीमागच्या काचादेखील फुटल्या. शुभमला उपचारासाठी उपजिल्हा रूग्णालयात आणले असता डॉक्टरांनी त्याचा मृत्यू झाल्याचे सांगितले. वैद्यकीय तपासणी करून मृतदेह नातेवाईकांकडे दिला. राजगड पोलीस पुढील तपास करीत आहेत.