ब्रेकिंग

विदेश

रशियाचा युक्रेनवर ड्रोन हल्ला

Samruddhi Dhayagude
13 May 2025

कीव : क्रेमलिनने ३० दिवसांच्या बिनशर्त युद्धबंदीचा प्रस्ताव नाकारल्यानंतर रशियाने रविवारी रात्री युक्रेनवर १०८ ड्रोन डागले. युक्रेनच्या हवाई दलाने यापैकी ५५ ड्रोन पाडले. सोमवारी सकाळी झालेल्या रशियन ड्रोन हल्ल्यात एका मालवाहू रेल्वेचा लोकोमोटिव्ह जखमी झाल्याची माहिती युक्रेनियन हवाई दलाने सोमवारी दिली.

मागील आठवड्यात तुर्कमेनिस्तानमध्ये समोरासमोर शांतता चर्चेसाठी रशियाचे अध्यक्ष व्लादिमीर पुतीन यांना भेटण्याच्या युक्रेनचे अध्यक्ष वोलोदिमिर झेलेन्स्की यांच्या आव्हानाला क्रेमलिनकडून कोणताही प्रतिसाद मिळाला नाही. अमेरिका आणि युरोपीय सरकारांनी लढाई थांबवण्यासाठी एकत्रित प्रयत्न केले आहेत. गेल्या तीन वर्षांपासून सुरू असलेल्या या युद्धात दोन्ही बाजूंचे हजारो सैनिक तसेच १० हजारहून अधिक युक्रेनियन नागरिकांचा मृत्यू झाला आहे. रशियाच्या आक्रमक सैन्याने युक्रेनचा सुमारे वीस टक्के भाग ताब्यात घेतला आहे.

आठवड्याच्या शेवटी झालेल्या राजनैतिक घडामोडींमध्ये रशियाने अमेरिका आणि युरोपीय नेत्यांनी मांडलेला युद्धबंदीचा प्रस्ताव नाकारला; परंतु गुरुवारी युक्रेनला थेट चर्चेचा प्रस्ताव दिला. रशियासोबत शांतता चर्चा करण्यापूर्वी सोमवारपासून युद्धबंदीवर सहमती व्हावी, अशी मागणी युक्रेनने त्याच्या युरोपीय मित्र राष्ट्रांसह केली होती. मॉस्कोने तो प्रस्ताव प्रभावीपणे नाकारला आणि त्याऐवजी इस्तंबूलमध्ये थेट चर्चा करण्याचे आवाहन केले.

अमेरिकेचे अध्यक्ष डोनाल्ड ट्रम्प यांनी युक्रेनला रशियाचा प्रस्ताव स्वीकारण्याचा आग्रह धरला. झेलेन्स्कीने आणखी एक पाऊल पुढे जाऊन नेत्यांमध्ये वैयक्तिक बैठकीची ऑफर देऊन पुतीन यांच्यावर दबाव आणला.