ब्रेकिंग

विदेश

मसूद अजहरचे कुटूंब संपले

Wrutuja pandharpure
08 May 2025

भाऊ, बहिणीसह १४ जण यमसदनी

नवी दिल्ली : भारतीय सैन्य दलाच्या कारवाईत जैश ए महमद या दहशतवादी संघटनेचा म्होरक्या मसूद अजहर याचे अख्खे कुटूंब संपले आहे. एका तळावर वास्तव्यास असलेल्या मसूद अजहरच्या कुटुंबातील १४ सदस्यांचा मृत्यू झाला. मसूदचा भाऊ रौफ असगर हा गंभीर जखमी झाला असून त्याचा भाऊ आणि कुख्यात दहशवादी रौफ असगरचा मुलगा हुजैफा मारला गेला आहे. भारतीय सीमेपासून १०० किमी अंतरावर असलेल्या बहावलपूर येथील मसूद अजहरचे तळ लष्कराने उद्ध्वस्त केले. मध्यरात्रीच्या सुमारास हा हल्ला झाला. यावेळी मसूद अझहरची मोठी बहीण, मौलाना कशफचे संपूर्ण कुटुंब, मुफ्ती अब्दुल रौफ यांचे नातू, मोठी मुलगी शहीद बाजी सादिया हे तिच्या पती आणि चार मुलांसह तळावर झोपले होते.

मलाही मरण आले असते तर बरे झाले असते...

स्वकीयांना गमावणे काय असते, ते किती दुःखदायक असते, याचा अनुभव आता मसूद अजहरला आला आहे. कुटुंबातील दहा सदस्य गमावल्यानंतर भारतीय लष्कराच्या कारवाईत मलाही मरण आले असते तर बरे झाले असते, असे मसूद अजहरने म्हटले आहे.