ब्रेकिंग

विदेश

पाकिस्तानच्या सैन्यावर हल्ला; सहा ठार

Wrutuja pandharpure
07 May 2025

बोलान : पहलगाम हल्ल्यानंतर भारतासोबतचा तणाव वाढला असताना मंगळवारी बलुचिस्तानमधील बोलान येथे पाकिस्तानच्या सैन्यावर एक मोठा हल्ला झाला. पाकिस्तानी सैन्याच्या वाहनाला लक्ष्य करण्यात आले. या हल्ल्यात एका अधिकार्‍यासह सहा सैनिकांचा मृत्यू झाला आहे. पाकिस्तानी सैन्याचे वाहन नियमित गस्तीसाठी जात असताना हा हल्ला झाला.

या हल्ल्यात जखमी झालेल्यांना नजीकच्या लष्करी रुग्णालयात दाखल करण्यात आले आहे. त्यापैकी काही जणांची प्रकृती चिंताजनक आहे. या हल्ल्याची जबाबदारी आतापर्यंत कुठल्याही संघटनेने स्विकारलेली नाही. मात्र हा भाग बंडखोरांच्या कारवायांमुळे बर्‍याच काळापासून अशांत राहिलेला आहे. दरम्यान, काही दिवसांपूर्वी बीएलएने पाकिस्तानी सैन्याला इशारा देताना येत्या काही दिवसांत आणखी हल्ले तीव्र होतील, अशी धमकी दिली होती. आमच्या स्वातंत्र्याची लढाई थांबणार नाही. आम्ही आमच्या शत्रूंना पूर्ण शक्तीनिशी लक्ष्य करत राहू, असा इशाराही त्यांनी दिला होता.