ब्रेकिंग

विदेश

खैबरमध्ये नऊ बंडखोर ठार

Wrutuja pandharpure
26 May 2025

पेशावर: पाकिस्तानच्या खैबर पख्तुनख्वा प्रांतात सैन्याच्या गोळीबारात नऊ बंडखोर ठार झाले आहेत. सैन्याने तीन ठिकाणी कारवाई केली. त्यात ते मारले गेल्याची माहिती लष्कराच्या माध्यम विभागाने दिली.

डेरा इस्माईल खान परिसरात बंडखोरांच्या लपलेल्या ठिकाणांवर सैन्याने कारवाई केली. शोध मोहिमेवेळी सैनिक आणि बंडखोर यांच्यात चकमक उडाली. अधिकार्‍यांनी सांगितले की, खैबरच्या बाघ परिसरात सैनिक आणि बंडखोर यांची गाठ पडली होती. दोन्ही बाजूंनी गोळीबार झाला. त्यात तीन तर टांक जिल्ह्यातील चकमकीत दोन बंडखोर ठार झाले. घटनास्थळावरून शस्त्रे आणि दारुगोळा जप्त केला. अशाच प्रकारची कारवाई आणखी एक बंडखोर मारला गेल्याचे सांगितले. दरम्यान, १५ ऑगस्ट २०२१ रोजी तालिबानने अफगाणिस्तान ताब्यात घेतले. त्यानंतर बलुचिस्तान आणि खैबर पख्तुनख्वा प्रांतात बंडखोर आणि पाकिस्तानी सैनिक यांच्यातील चकमकीत वाढ झाली आहे. बंडखोर स्वातंत्र्यासाठी पाकिस्तानी सैनिकांसोबत लढा देत आहेत.