ब्रेकिंग

गुन्हेगारी जगत

गुंतवणुकीच्या नावाखाली चार कोटींची फसवणूक

Wrutuja pandharpure
23 Jun 2025

पिंपरी : बनावट ई-मेल आयडी तयार करून शेअर मार्केटमध्ये गुंतवणुकीचे आमिष दाखवून सुमारे चार कोटींची फसवणूक केली. ही घटना १ जानेवारी २०२३ ते ३१ जुलै २०२४ या कालावधीत बाणेर येथे घडली.

या प्रकरणी सुदर्शन श्रीकांत लाठकर (वय ३३, रा. बाणेर) यांनी बावधन पोलीस ठाण्यात फिर्याद दिली आहे. त्यानुसार तिरूमलशेट्टी व्यंकटेश्वर राव उर्फ टी. व्ही. राव व तिरूमलाशेट्टी राघव (रा. आंध्रप्रदेश) यांच्यासह इतर आरोपींच्या विरोधात गुन्हा दाखल करण्यात आला आहे. आरोपींनी आपसांत संगनमत करून आयसीआयसीआय सिक्युरिटीज या नामांकित संस्थेच्या नावाने बनावट ई-मेल आयडी तयार केले. या ई-मेलवरून बनावट कॉन्ट्रॅक्ट नोट पाठवून टाटा मोटर्स शेअर्सच्या खरेदी-विक्री भासवून सुरुवातीला काही प्रमाणात फिर्यादी यांना परतावा दिला. त्यानंतर फिर्यादी यांच्याकडून टप्प्याटप्प्याने सुमारे ४ कोटी ९७ लाख घेतले. त्यापैकी ९९ लाखांचा परतावा करून उर्वरित ३ कोटी ९८ लाख परत न करता स्वतःच्या फायद्यासाठी वापरून फिर्यादी यांची फसवणूक केली.