ब्रेकिंग

गुन्हेगारी जगत

भरधाव मोटारीने वाहतूक पोलिसाला चिरडले

Samruddhi Dhayagude
15 May 2025

उरुळी कांचन, (वार्ताहर) : कर्तव्यावर असलेल्या वाहतूक पोलीस कर्मचार्‍याला एका भरधाव मालमोटारीे चिरडल्याची धक्कादायक घटना मंगळवारी घडली. ही घटना जुन्या मुंबई-पुणे महामार्गावरील वडगाव फाटा चौकात घडली. मिथुन वसंत धेंडे (वय ४९, रुळी कांचन असे मृत्यू झालेल्या वाहतूक पोलिसाचं नाव आहे. या बाबत मिळालेल्या माहितीनुसार मुंबई बाजूकडून चाकणकडे जाणार्‍या भरधाव मालमोटार चालकाने वाहतूक नियमन करणार्‍या वाहतूक पोलिसाला चिरडले आहे.

मिथुन वसंत धेंडे असं वाहतूक पोलिसाचे नाव आहे. अपघातात धेंडे यांचा जागीच मृत्यू झाला आहे. दरम्यान संबंधित चालकाने वाहतूक नियमांची पायमल्ली केल्यामुळे पुणे ग्रामीण कंट्रोल वरुन मालमोटार थांबविण्याचे आदेश झाल्यानें मालमोटार थांबवत असताना भरधाव वेगाने वाहतूक पोलिसाला चिरडलं. या अपघाताचा तपास वडगाव मावळ पोलिस करीत आहे. त्यांच्या अपघाती निधनाने परिसरात हळहळ व्यक्त होत आहे. अंत्यविधीला पुणे ग्रामीण पोलीस अधीक्षक पंकज देशमुख, सह वडगाव मावळ पोलिस ठाण्याचे वरिष्ठ पोलीस निरीक्षक, उरुळी कांचनचे पोलिस निरीक्षक, पोलिस उपनिरीक्षक, स्नेही मित्रपरिवार, मोठा परिवार उपस्थित होता.