कराची : जम्मू आणि काश्मीरमधील पहलगाम येथे झालेल्या दहशतवादी हल्ल्यानंतर भारताने ६-७ मे च्या रात्री ऑपरेशन सिंदूर अंतर्गत पाकिस्तानविरुद्ध प्रत्युत्तर दिले. भारताने पाकिस्तानात घुसून नऊ दहशतवादी अड्डे पूर्णपणे उद्ध्वस्त केले, ज्यामध्ये १०० हून अधिक दहशतवादी मारले गेले. यानंतर, पाकिस्तानने ७ ते १० मे दरम्यान भारतावर ड्रोन आणि क्षेपणास्त्रांनी अनेक वेळा हल्ले केले, ज्याला भारतानेही चोख प्रत्युत्तर दिले. भारताने आपल्या कारवाईत ११ हवाई तळ उद्ध्वस्त केले. आता पाकिस्तानने कबूल केले आहे की भारताच्या कारवाईत ११ पाकिस्तानी सैन्य सैनिक मारले गेले, तर ७८ सैनिक जखमी झाले. यामध्ये पाच हवाई दलाच्या अधिकार्‍यांचाही समावेश आहे. पण माजी पाकिस्तानी क्रिकेटपटू शाहिद आफ्रिदीचा एक व्हिडिओ सोशल मीडियावर व्हायरल होत आहे. ज्यामध्ये सोमवारी कराची येथे आयोजित विजय रॅलीत शाहिद आफ्रिदी दिसला. खरं तर, पाकिस्तानचे पंतप्रधान शाहबाज शरीफ यांनी एक खोटा दावा केला. त्यांनी सांगितले की, पाकिस्तानने भारताविरुद्धचे युद्ध जिंकले. त्यांनी असेही म्हटले की पाकिस्तानने युद्धबंदीची विनंती केली नव्हती यानंतर पाकिस्तानने विजय रॅली आयोजित केली. शाहिद आफ्रिदी यापूर्वी भारत सरकार आणि सशस्त्र दलांविरुद्ध केलेल्या वादग्रस्त वक्तव्यांमुळे चर्चेत राहिला आहे, विशेषतः पहलगाम दहशतवादी हल्ल्याच्या वेळी त्याने भारतीय सैन्यावर वादग्रस्त विधान केले होते.