ब्रेकिंग

शैक्षणिक

बारावीच्या पुरवणी परीक्षेसाठी अर्ज प्रक्रिया

Wrutuja pandharpure
09 May 2025

पुणे : महाराष्ट्र राज्य माध्यामिक व उच्च माध्यामिक शिक्षण मंडळाच्या वतीने जून-जुलै २०२५ मध्ये इयत्ता बारावीची पुरवणी परीक्षा घेण्यात येणार आहे. या पुरवणी परीक्षेसाठी विद्यार्थ्यांना ऑनलाइन पद्धतीने अर्ज भरण्याची सुविधा उपलब्ध करून देण्यात आली आहे. नियमित शुल्कासह विद्यार्थ्यांना अर्ज भरण्यास १७ मे पर्यंत मुदत देण्यात आलेली आहे.

पुरवणी परीक्षेसाठी पुर्नपरीक्षार्थी, यापूर्वी नावनोंदणी प्रमाणपत्र प्राप्त झालेले खासगी विद्यार्थी, फेब्रुवारी-मार्च २०२५ च्या परीक्षेस प्रविष्ट न झालेले, जून-जुलै २०२५ परीक्षेसाठी नावनोंदणी केलेले खासगी विद्यार्थी, श्रेणीसुधार योजनेअंतर्गत व तुरळक विषय घेऊन प्रविष्ट होणारे विद्यार्थी, आयटीआय विषय घेऊन प्रविष्ट होणार्‍या विद्यार्थ्यांचे अर्ज ऑनलाइन पद्धतीने घेण्यात येणार आहेत. विलंब शुल्कासह १८ ते २२ मे कालावधीत अर्ज भरता येणार आहेत, अशी माहिती राज्य मंडळाचे सचिव देविदास कुलाळ यांनी दिली आहे.

उच्च माध्यमिक शाळा, कनिष्ठ महाविद्यालयांनी आरटीजीएस, एनईएफटीद्वारे शुल्क भरण्यासाठी २३ मे रोजीची मुदत देण्यात आलेली आहे. शुल्क पावती, चलनासह विद्यार्थ्यांच्या याद्या व प्रिलिस्ट विभागीय मंडळाकडे जमा करावयासाठी २६ मे रोजीची मुदत देण्यात आलेली आहे.