ब्रेकिंग

देश

भटिंडात विमान कोसळून एक ठार; ९ जखमी

Samruddhi Dhayagude
08 May 2025

चंडीगढ : पंजाबच्या भटिंडा येथील अकलियान कलान गावात बुधवारी पहाटे विमान कोसळले. या दुर्घटनेनंतर लागलेल्या आगीत एका नागरिकाचा मृत्यू झाला, तर नऊ जण जखमी झाले.

गोविंद असे मृताचे नाव असून तो हरयाना येथील शेतमजूर आहे. अकलियान कलान गावाजवळ गव्हाच्या शेतात मंगळवारी मध्यरात्री दोनच्या सुमारास हे विमान कोसळले. विमान अपघाताचा आवाज येताच ग्रामस्थांनी तत्काळ घटनास्थळी धाव घेतली. आग लागलेले विमान पाहताच काही नागरिक वैमानिकाला वाचवण्यासाठी धावले. ते विमानाच्या दिशेने धावत असताना स्फोट झाला. यात एकाचा जागीच मृत्यू झाला तर नऊ जण जखमी झाले. जखमींना शहीद भाई मणिसिंह सिव्हिल हॉस्पिटलमध्ये दाखल करण्यात आले आहे. त्यापैकी एकाला भटिंडा येथील अखिल भारतीय आयुर्विज्ञान संस्थेत पाठविण्यात आले होते. घटनेची माहिती मिळताच भटिंडाच्या जिल्हाधिकार्‍यांनी अपघातस्थळ आणि रुग्णालयात धाव घेतली.