ब्रेकिंग

क्रीडा

वैभव सूर्यवंशीच्या ९० चेंडूत ठोकल्या १९० धावा

Wrutuja pandharpure
13 Jun 2025

बंगळुरू : इंग्लंडला जाण्यापूर्वी वैभव सूर्यवंशीने आणखी एक वादळी खेळी खेळली आहे. वैभवने बंगळुरूमधील बीसीसीआय सेंटर ऑफ एक्सलन्स येथे खेळल्या गेलेल्या सराव सामन्यात १९० धावा केल्या. वैभवने फक्त ९० चेंडूत १९० धावा केल्या, त्यात षटकार आणि चौकारांचा पाऊस पडला. १४ वर्षीय या खेळाडूने आयपीएल २०२५ मध्ये राजस्तान रॉयल्सकडून खेळताना ३५ चेंडूत ऐतिहासिक शतक झळकावले.

त्यानंतर त्याला इंग्लंड दौर्‍यासाठी टीम इंडियाच्या अंडर-१९ संघात स्थान देण्यात आले. ज्याचा कर्णधार आयुष म्हात्रे आहे आणि या संघात वैभव सूर्यवंशीचीही निवड झाली आहे. इंग्लंडला जाण्यापूर्वी वैभवने ही वादळी खेळी खेळली. भारताचा १९ वर्षांखालील क्रिकेट संघ इंग्लंडमधील १९ वर्षांखालील संघाविरुद्ध ५० षटकांच्या सराव सामन्यानंतर ५ सामन्यांची एकदिवसीय मालिका खेळणार आहे.