ब्रेकिंग

गुन्हेगारी जगत

सामूहिक बलात्कारानंतर आदिवासी महिलेचा मृत्यू; दोघांना अटक

Wrutuja pandharpure
26 May 2025

खांडवा : मध्य प्रदेशातील खांडवा जिल्ह्यात एका आदिवासी महिलेवर दोन नराधमांनी बलात्कार केल्यानंतर तिचा मृत्यू झाला. पोलिसांनी रविवारी ही माहिती दिली. जिल्हा मुख्यालयापासून सुमारे ९० किमी अंतरावर असलेल्या खांडवा परिसरातील रोशनी पोलिस ठाण्याच्या भागात शनिवारी घडलेल्या घटनेप्रकरणी पोलिसांनी दोन आरोपींना अटक केली आहे, असे अधिकार्‍याने सांगितले.

खांडवाचे अतिरिक्त पोलिस अधीक्षक (एएसपी) राजेश रघुवंशी म्हणाले, की प्रथमदर्शनी असे दिसते, की महिलेला मारहाण करण्यात आली होती, आणि रक्तस्त्राव झाल्यामुळे तिचा मृत्यू झाला होता. खांडवा जिल्हा रुग्णालयात फॉरेन्सिक तज्ज्ञांच्या देखरेखीखाली शवविच्छेदन करण्यात येणार आहे. या अहवालात अधिक तपशील येईल. मृत महिलेला दोन मुले आहे. आरोपी कोरकू आदिवासी समुदायाचे होते, असे त्यांनी सांगितले. पोलिसांनी दिलेल्या माहितीनुसार, महिला आणि आरोपी शुक्रवारी एका लग्नात सहभागी झाले होते. त्यानंतर पीडितेच्या कुटुंबाने शनिवारी सकाळी तिला एका आरोपीच्या घरातून घरी आणले. दुपारी दोनच्या सुमारास तिचा मृत्यू झाला. त्यानंतर पोलिसांना कळवण्यात आले.