ब्रेकिंग

विदेश

अमेरिकेकडून नागरिकांसाठी प्रवासी मार्गदर्शक तत्वे

Wrutuja pandharpure
13 Jun 2025

वॉशिंग्टन: अहमदाबादमधील विमान दुर्घटनेच्या घटनेची अमेरिकेने दखल घेतली आहे. अमेरिकेच्या भारतातील दूतावासाने कामानिमित्त, पर्यटनासाठी अथवा इतर कोणत्याही गोष्टीसाठी भारतात आलेल्या अमेरिकन नागरिकांसाठी प्रवासी मार्गदर्शक तत्वे जारी केली आहे.अमेरिकेच्या दूतावासाने म्हटले आहे, की अहमदाबादमध्ये झालेल्या विमान अपघाताची आम्हाला कल्पना आहे. त्यामुळे आम्ही प्रभावित भागातील अमेरिकन नागरिकांना बातम्यांवर लक्ष ठेवण्याचे, स्थानिक अधिकार्‍यांनी दिलेल्या आपत्कालीन सूचनांचे पालन करण्याचे, महत्त्वाची आपत्कालीन माहिती मिळवण्यासाठीstep.state.gov, स्मार्ट ट्रॅव्हलरवर नोंदणी करण्यास व इतर अतिरिक्त अपडेट्ससाठी अमेरिकेच्या पर्यटन विभागाच्या, परराष्ट्र विभागाच्या समाज माध्यमावरुन माहिती घेण्याचा सल्ला आहे.

जे नागरिक प्रभावित भागात आहेत, त्यांनी आमच्यासह त्यांच्या कुटुंबीयांच्या संपर्कात राहवे. तुम्ही जर प्रभावित भागात असाल आणि तुम्हाला तात्काळ आपत्कालीन सेवेची आवश्यकता असेल, तर कृपया स्थानिक अधिकार्‍यांशी संपर्क साधा. आम्ही अमेरिकन नागरिकांना प्रभावित भागात जाणे टाळण्याचे आणि स्थानिक अधिकार्‍यांच्या सूचनांचे पालन करण्याचे आवाहन करतो. परदेशात असलेल्या अमेरिकन नागरिकांची सुरक्षितता ही अमेरिकेच्या परराष्ट्र विभागाची सर्वोच्च प्राथमिकता आहे.