ब्रेकिंग

लोणावळ्यात दुचाकी आणि पिकअपचा भीषण अपघात

Wrutuja pandharpure
07 Jun 2025

युवकाचा जागीच मृत्यू

लोणावळा : जुन्या मुंबई पुणे राष्ट्रीय महामार्गावर खंडाळ्यातील पोलीस प्रशिक्षण केंद्राजवळील पेट्रोल पंपासमोर भरधाव वेगात जाणार्‍या मोटारसायकलची समोरून येणार्‍या भाजी व तरकारीची वाहतूक करणार्‍या पिकअपला जोरात धडक बसून झालेल्या अपघातात मोटारसायकल चालकाचा जागीच मृत्यू झाला.हा अपघात गुरुवारी दुपारी साडेचार वाजता झाला. सौरव सुखदेव वाघ (वय २४, रा. वाकसई चाळ, वाकसई, ता. मावळ) असे अपघातात मृत्यू झालेल्या मोटारसायकल स्वाराचे नाव आहे. अपघाताची माहिती मिळताच लोणावळा शहर वाहतूक लोणावळा शहर पोलिसांनी घटनास्थळी धाव घेत घटनेची पाहणी केली. अपघातातील जखमी मोटारसायकल स्वाराला उपचारासाठी तत्काळ नजीकच्या हॉस्पिटलमध्ये दाखल करण्यात आले. मात्र तत्पूर्वीच त्याचा मृत्यू झाला असल्याचे डॉक्टरांनी सांगितले. वाहतूक पोलिसांनी दोन्ही अपघातग्रस्त वाहने बाजूला करून वाहतूक सुरळीत केली.