ब्रेकिंग

फर्ग्यूसन रस्त्यावरील अतिक्रमण हटवले

Wrutuja pandharpure
06 Jun 2025

पुणे : पुण्यातील फर्ग्यूसन रस्त्यावर मोठ्या प्रमाणात अतिक्रमणे असून या विरोधात पालिकेच्या अतिक्रमण विभागाने मोठी कारवाई सुरू केली आहे. गुरुवारी या मार्गावरील प्लॉट क्र. ६१४ बी येथील अनधिकृत दुकानांवर पालिकेच्या अधिकार्‍यांनी बुलडोझर चालवला. या कारवाईत तब्बल १२ हजार ५०० चौरस फूट क्षेत्रफळावरील अनधिकृत बांधकामे पाडून टाकण्यात आली.

पुण्यातील विविध भागातील अतिक्रमण काढण्यासाठी पालिकेच्या अतिक्रमण विभागामार्फत कारवाई सुरू करण्यात आली आहे. गेल्या काही दिवसांपासून ही कारवाई तीव्र करण्यात आली आहे. फर्ग्यूसन रस्त्यावर मोठ्या प्रमाणात अनधिकृत दुकाने आणि बांधकामे करण्यात आली असून यावर गेल्या महिन्यात दोन ते तीन वेळा कारवाई करण्यात आली होती. त्यानंतर गुरुवारी पुन्हा शहर अभियंता व अधीक्षक अभियंता राजेश बनकर यांच्या मार्गदर्शनाखाली, बांधकाम विकास विभाग झोन ६ मार्फत पुन्हा फर्ग्यूसन रस्त्यावरील अतिक्रमणांवर कारवाई करून येथील अनधिकृत बांधकामे व दुकाने काढून टाकण्यात आली. या कारवाई प्रसंगी कार्यकारी अभियंता सुरेंद्र करपेम, उपअभियंता रणजीत मुटकुळे, किरण कलशेट्टी, कनिष्ठ अभियंते महेश शिंदे, मनोजकुमार मते, सागर शिंदे, श्रीमती घोलप उपस्थित होते.