ब्रेकिंग

गुन्हेगारी जगत

पोलिसाकडून पोटच्या मुलीवर वर्षभर अत्याचार

Wrutuja pandharpure
06 Jun 2025

अमरावती : पोलिस पित्याने पोटच्या मुलीवर वर्षभर अत्याचार केल्याची धक्कादायक प्रकार अमरावती शहरातून समोर आला आहे. नात्याला काळीमा फासणार्‍या पोलिस पित्याविरोधात बलात्कार, विनयभंग आणि पोस्को अन्वये राजापेठ पोलिसांत गुन्हा दाखल करण्यात आला आहे. मुलीवर अत्याचार करणारा आरोपी अमरावती ग्रामीण पोलिस दलात कार्यरत असल्याची माहिती पुढे आली आहे. २४ वर्षीय पीडितेच्या तक्रारीवरून, तरुणी २०१५ साली आठवीत असताना आरोपीने जवळीक साधण्याचा प्रयत्न केला होता. त्यानंतर काही दिवसांनी आरोपीने शारीरिक अत्याचार केला. घडल्या प्रकाराची माहिती पीडितेने तिच्या आईला सांगितली. त्यानंतर आरोपीने पीडितेला आणि तिच्या आईला जीवे मारण्याची धमकी दिली होती. त्यानंतर सलग वर्षभर पीडितेचे लैंगिक शोषण आरोपीने केले. बुधवारी सकाळी सात वाजता आरोपीने पीडित मुलीसोबत जबरदस्ती करण्याचा प्रयत्न केला. वारंवार होणारा त्रास असह्य झाल्याने पीडित तरुणीने राजापेठ पोलिस ठाण्यात तक्रार दाखल केली.