ब्रेकिंग

क्रीडा

गुलवीर सिंगला सुवर्ण

Wrutuja pandharpure
31 May 2025

गुमी : आशियाई अ‍ॅथलेटिक्स स्पर्धेत भारताचा धावपटू गुलवीर सिंग याने विक्रमी कामगिरी करत सुवर्णपदकाला गवसणी घातली. गुलवीर सिंग याने पुरुषांच्या ५००० मीटर धावण्याच्या स्पर्धेत स्वत:चे आणि भारताचे नाव उंचावले. ही कामगिरी करताना गुलवीर सिंग याने १३:२४.७७ अशी वेळ नोंदविली. त्याच्यानंतर दुसर्‍या क्रमांकावर आलेल्या थायलंडचा किरन टुन्टिव्हेट या धावपटूने १३:२४.७७ सेकंद अशी वेळ नोंदविली. तर तृतीय क्रमांकावर आलेल्या जपानच्या नागेया मोरी याने १३:२५.०६ सेकंद अशी वेळ नोंदवत कांस्यपदक मिळविले. गुलवीर सिंग याच्या कामगिरीचे सर्व भारतीय चाहत्यांकडून कौतूक होत आहे.

तसेच आगामी वाटचालीसाठी देखील शुभेच्छा दिल्या जात आहेत. या स्पर्धेच्या पहिल्या दिवशी गुलवीर सिंग याने १० हजार मीटर मध्ये देखील सुवर्ण पदक मिळविले होते.

पुजा सिंग,नंदीनी आगासरा यांना सुवर्णपदक

आशियाई अ‍ॅथलेटिक्स स्पर्धेत उंच उडी या क्रीडा प्रकारात सर्वोत्तम कामगीरी करणारी भारताची उंच उडीपटू पुजा सिंग हिने सुवर्ण पदकाची कामगिरी केली. तसेच अव्वल स्थान मिळविले. तर भारतीय धावपटू नंदीनी आगासरा हिने देखील सुवर्ण पदकाला गवसणी घातली.