ब्रेकिंग

लष्कराच्या वार्षिक पदवीधर संशोधन मासिकाच्या आवृत्तीचे प्रकाशन

Wrutuja pandharpure
07 May 2025

पुणे : स्टुडंट्स सायंटिफिक सोसायटीतर्फे आयोजित ’इल्युमिनाटी २०२५’च्या उपक्रमात लष्कराच्या वाषिर्र्क पदवीधर संशोधन मासिकाच्या नव्या आवृत्तीचे प्रकाशन करण्यात आले. हा सोहळा सोमवारी सकाळी पुणे येथील सशस्त्र फोर्सेस मेडिकल कॉलेजच्या भारद्वाज सभागृहात प्रमुख मान्यवरांच्या उपस्थितीत झाला.

या सोहळ्यात देशभरातील प्रीमियर मेडिकल, पॅरामेडिकल आणि अभियांत्रिकी संस्थांमधील एक लाखांहून अधिक प्रतिनिधींनी सहभाग नोंदविला होता. यंदाची ही मासिक आवृत्ती शैक्षणिक कठोरता आणि सहभागासाठीच नव्हे, तर विद्यार्थ्यांच्या वैज्ञानिक संशोधन आणि नाविन्यपूर्ण संस्थात्मक संस्कृतीला वाव देणारी ठरली आहे. गेल्या वर्षभरात महाविद्यालयात पदवीधर संशोधनाचा उल्लेखनीय प्रवास दर्शविण्यासाठी हा सोहळा महत्त्वाचा आहे.

हा सोहळा मुख्य पदवीपूर्व संशोधन अधोरेखित करते. यामध्ये इल्युमिनाटी २०२५ च्या उपक्रमात सादर केलेल्या संशोधन सारांशांची प्रेरणा विद्यार्थ्यांना मिळाली आहे. यामध्ये शैक्षणिक स्पर्धा, मुख्य सत्र आणि क्लिनिकल वर्कशॉप्सचे निवडक मिश्रणाचा लाभ देखील विद्यार्थ्यांना प्राप्त झाला आहे. इन्सेंडियम (रिसर्च पेपर सादरीकरणे), इग्निटस (केस सादरीकरणे), हेल्थ हॅक एक्स (मेडिकल-टेक हॅकॅथॉन), नोव्हापेडिया, ऑन्कोक्वेस्ट, रेझोनेट यासारख्या विषयांमध्ये विद्यार्थ्यांचा उत्साही सहभाग होता.