ब्रेकिंग

खड्डयात पीएमपी बस अडकली

Wrutuja pandharpure
26 May 2025

सुर्देवाने जीवितहानी नाही, सर्व प्रवाशी सुखरूप

पुणे : वारजे माळवाडी बस स्थानकाजवळील रस्त्याच्या खड्डयात रविवारी सकाळी पुणे महानगर परिवहन मंडळाची (पीएमपी) एक बस अडकल्याची घटना घडली. सुर्देवाने या अपघातात कोणतीही जीवितहाणी झाली नाही. परंतू, या घटनेने पुणे महापालिकेच्या निष्काळजीपणा कारभारांवर प्रश्नचिन्ह निर्माण झाले आहे.

वारजे माळवाडी बस स्थानकाजवळ असलेल्या रस्त्याच्या खड्डयात सकाळी दहा वाजताच्या सुमारास एमएच १२, एक्सएक्स १२३४ या क्रमांकाची पीएमपी बस अडकली. बसचे पुढील चाके खड्डयात अडकल्याने बस तिरपी झाली. त्यामुळे प्रवाशांमध्ये काही काळ भीतीचे वातावरण पसरले होते. परंतु चालकाने तातडीने परिस्थिती हाताळली. नंतर बसमधील सर्व प्रवाशांना सुखरूप बाहेर काढण्यात आले. या घटनेनंतर स्थानिक नागरिकांनी महापालिकेच्या निष्काळजीपणा कारभाराच्या विरोधात तीव्र नाराजी व्यक्त केली आहे. सोशल मीडियावरही पुणेकरांनी महापालिकेच्या कारभारावर टीका केली आहे. अनेकांनी रस्त्यांच्या दुरावस्थेचे फोटो आणि व्हिडीओ पाठवत प्रशासनाला धारेवर धरले आहे.

महापालिकेचा बेजबाबदारपणा

पुणे महापालिकेच्या रस्ते खोदाईच्या कामांना पावसाळ्यात परवानगी देण्याचा निर्णय नागरिकांना त्रासदायक ठरत आहे. कोणत्याही प्रकारची चेतावणी किंवा सुरक्षितता उपाययोजना दिसून येत नाही. खड्डयाभोवती बॅरिकेड्स नाहीत. चेतावणीचे फलक देखील नाहीत. रात्री तर परिस्थिती आणखी बिकट होते. यामुळे वाहनचालकांना आणि पादचार्‍यांना धोका निर्माण

झाला आहे.