ब्रेकिंग

महाराष्ट्र

नाशिकमधील भीषण अपघातात सहा ठार

Samruddhi Dhayagude
06 Jun 2025

भरधाव वेगातील मोटार थेट बंगल्यात घुसली

नाशिक : भरधाव वेगातील मोटार रस्त्याच्याकडेला असलेल्या एका बंगल्यात घुसली. या भीषण अपघातात सहा जण ठार झाले. तर, एक जखमी आहे. मृतांमध्ये चार वर्षांच्या मुलीसह एकाच कुटुंबातील पाच जणांचा समावेश आहे. बुधवारी रात्री १० च्या सुमारास कळवण तालुक्यातील कोल्हापूर फाटा येथे हा अपघात झाला, अशी माहिती पोलिसांनी दिली.

सटाणाच्या नामपूर येथील भदाण कुटुंबीय नाशिकमध्ये नातेवाईकाच्या लग्नसमारंभासाठी गेले होते. समारंभानंतर ते सटाण्याकडे परतत होते. नाशिक-कळवण मार्गावर चालकाचे भरधाव वेगातील मोटारीवरील नियंत्रण सुटले. त्यानंतर, मोटार थेट एका बंगल्यात घुसली. या अपघातात कुटुंबातील चार सदस्यांसह पाच जणांचा जागीच मृत्यू झाला. तर, त्यांच्या एका नातेवाईकाचा रुग्णालयात उपचारादरम्यान मृत्यू झाला, असे पोलिसांनी सांगितले. शैला वसंत भदाण (६२), मुलगी माधवी मेतकर (३२), नात त्रिवेणी मेतकर (४), नातेवाईक सरला भालचंद्र भदाण (५०), चालक खालिक मेहमूद पठाण (५०) यांचा जागीच मृत्यू झाला. तर, १२ वर्षांच्या उत्कर्ष मेतकर याचा रुग्णालयात उपचारादरमन मृत्यू झाला. या अपघातात भालचंद्र भदाण (५२) गंभीर जखमी झाले.