ब्रेकिंग

क्रीडा

महिला क्रिकेटपटूंना प्रोत्साहन देणे महत्त्वाचे : स्मृती मंधाना

Vikrant kulkarni
06 Jun 2025

पुणे : भारतीय महिला संघाची अनुभवी फलंदाज स्मृती मंधाना हिने महाराष्ट्र प्रिमियर लीगमध्ये खेळणारा संघ रत्नागिरी जेटसच्या जर्सीचे अनावरण केले. यावेळी आपले मत मांडताना स्मृती मंधाना म्हणाली की महिला क्रिकेटपटूंना प्रोत्साहन देणे महत्त्वाचे आहे.युवा महिला क्रिकेटपटूंसाठी वेगवेगळ्या क्रिकेट लीग स्पर्धा भरविणे आवश्यक आहे. यामधून त्यांचा आत्मविश्‍वास वाढतो. तसेच स्थानिक क्रिकेट स्पर्धांमधून त्यांना क्रिकेटचे धडे गिरविता येतात. यातून चांगले राष्ट्रीय आणि आंतर राष्ट्रीय महिला क्रिकेटपटू तयार होतील. तसेच महाराष्ट्र प्रिमियर लीगसारख्या स्पर्धेत भाग घेत क्रिकेट खेळण्याचा अनुभव वेगळा असतो. यामुळे चांगला सराव होतो. तसेच महाराष्ट्रात महिलांसाठी क्रिकेट लीग सुरु केली यामुळे मला आनंद झाला. मला क्रिकेट खेळण्याची संधी मिळाली याबाबत मी आभारी आहे. या लीगमध्ये मी सर्वोत्तम कामगिरी करणार असल्याचेही स्मृती म्हणाली.