ब्रेकिंग

विदेश

युक्रेनने ड्रोनने उडवली रशियाची ४० लढाऊ बाँबर विमाने

Samruddhi Dhayagude
02 Jun 2025

सैबेरीयातील हवाई तळावर हल्ला

कीव : रशियाच्या हद्दीत घुसखोरी करत युक्रेनने सैबेरीया आणि आर्क्टिक्ट येथील हवाई तळावर रविवारी भीषण ड्रोन हल्ला केला. त्या हल्ल्यात रशियाची ४० हून अधिक बाँबफेकी लढाऊ विमाने नष्ट झाली आहेत. युक्रेनपासून हजारो किलोमीटवर प्रथमच सर्वात मोठा ड्रोन हल्ला केला. या पैक काही विमानांची क्षमता अण्वस्त्र वाहून नेण्याची असल्याचे सांगण्यात येत आहे.

हल्ला करण्यासाठी मालमोटारीद्वारे ड्रोन रशियाच्या हद्दीत नेण्यात आले. काल दुपारी रशियाच्या विविध हवाई तळांवर उभे असलेले ४० हून अधिक लढाऊ विमानांना ड्रोनने लक्ष्य केले. त्यामध्ये टीयू-९५ आणि टीयू-२२ स्ट्रॅटेजिक बॉम्बर या लढाऊ विमानांचाही समावेश होता. ही विमाने युक्रेनवर लांब पल्ल्याच्या क्षेपणास्त्रांचा मारा करण्यासाठी तैनात केली जात होती. युक्रेनपासून ४ हजार किलोमीटर अंतरावर असलेल्या रशियाच्या इर्कुत्स्क प्रदेशातील बेलाया हवाई तळावरही हा हल्ला करण्यात आला आहे.