ब्रेकिंग

कर्वेनगरमध्ये डोक्यावर झाड पडून तरूणाचा मृत्यू

Samruddhi Dhayagude
27 May 2025

पुणे : शहरात मागील काही दिवसांपासून सुरू असलेल्या मुसळधार पावसामुळे पुणेकरांचे जनजीवन विस्कळीत झाले आहे. दोनशेपेक्षा जास्त झाडपडीच्या घटना मागील वीस दिवसांमध्ये पुण्यात नोंदवण्यात आल्या आहेत. त्यातच, सोमवारी सायंकाळी झाड डोक्यावर पड़ल्यामुळे यंदा पावसामुळे एकाचा जीव गेल्याची घटना घडली.

कर्वेनगर येथील समर्थ पथावर अलंकार पोलिस ठाण्याजवळ झाड डोक्यावर पडल्यामुळे दुचाकीस्वाराचा मृत्यू झाल्याची घटना सोमवारी सायंकाळी घडली. राहुल जोशी असे झाड पडून मृत्यूमुखी पडलेल्या दुचाकीस्वाराचे नाव आहे.

राहुल जोशी हे सोमवारी सायंकाळी दुचाकीवरून बाहेर निघाले होते. त्यावेळी, कुजलेल्या अवस्थेतील झाडाची फांदी ही जोशी यांच्या थेट डोक्यात पडली. यामध्ये जोशी हे गंभीर जखमी झाले. घटनास्थळी असलेल्या नागरिकांनी तत्काळ रूग्णवाहिका बोलावून त्यांना रूग्णालयात दाखल केले. मात्र, उपचारापूर्वीच मृत्यू झाल्याचे डॉक्टरांनी घोषित केले. अलंकार पोलिस याप्रकरणी अधिक तपास करत आहेत.