News - Daily Kesari

क्रीडा

भारतीय संघ इंग्लंडसाठी रवाना

Vikrant kulkarni
07 Jun 2025

मुंबई : नवा कर्णधार शुभमन गिलच्या नेतृत्वाखालील भारतीय क्रिकेट संघ इंग्लंडला रवाना झाला. नवा कर्णधार आणि मुख्य प्रशिक्षक शुभमन गिल आणि गौतम गंभीर हे दोघे गुरुवारी मालिकापूर्व पत्रकार परिषदेला उपस्थित राहिले.त्यानंतर संपूर्ण वरिष्ठ संघ मुंबई विमानतळावर जमला.

सुरुवातीला टीम इंडिया वेगवेगळ्या गटात इंग्लंडला रवाना होणार होती, परंतु असे झाले नाही.कारण भारत ’अ’ संघाचा भाग नसलेले खेळाडू गुरुवारी रात्री उशिरा एकत्र निघाले.

भारत ’अ’ संघात सात वरिष्ठ खेळाडूंचा समावेश आहे, जे आधीच इंग्लंडमध्ये आहेत. उर्वरित सदस्य आणि सपोर्ट स्टाफ आता गिलसोबत इंग्लंडला रवाना झाले आहेत. शुक्रवारी पहाटे, बीसीसीआयने मुंबई विमानतळावरून खेळाडूंचे फोटो शेअर केले. येथे गिल, ऋषभ पंत, जसप्रीत बुमराह हे सर्वजण गौतम गंभीर, प्रसिद्ध कृष्णा आणि मोहम्मद सिराज सारख्या खेळाडूंसह उपस्थित होते. विशेष म्हणजे, अर्शदीप सिंग आणि कुलदीप यादव देखील त्यांच्यासोबत दिसले.