पुरवठा अधिकार्‍याला लाच प्रकरणी अटक   

मुंबई : नागरी पुरवठा विभागाशी संबंधित एका अधिकार्‍याला ४८ हजार रुपयांची लाच स्वीकारल्याप्रकरणी अटक करण्यात आली. लाचलुचपत प्रतिबंधक विभागाच्या निरीक्षक रूपाली पोळ यांनी गुरुवारी ही माहिती दिली.    
   
सागर साहेबराव वराळे असे अटक करण्यात आलेल्या संशयित आरोपीचे नाव आहे. चार रास्त भाव दुकाने असलेल्या एका तक्रारदाराने पुरवठा अधिकारी सागर वराळे त्यांच्या अखत्यारीतील प्रत्येक रास्त भाव दुकानासाठी दरमहा दोन हजार रूपये हप्ता मागत असल्याची तक्रार एसीबीकडे तक्रार केली होती. गेल्या सहा महिन्यांपासून वराळे तक्रारदाराकडून ४८ हजार रुपयांची मागणी करत होते.तक्रारीची खातरजमा करून एसीबीने सापळा रचून वराळे यांना लाच स्वीकारताना अटक केली. वराळे याच्यावर प्रतिबंधक कायद्याच्या तरतुदींनुसार  गुन्हा दाखल करण्यात आली.  

Related Articles