ब्रेकिंग

विदेश

कॅनडात मोदींना घेरणार; पन्नू याचे फूत्कार

Wrutuja pandharpure
08 Jun 2025

ओटावा : जी ७ शिखर परिषदेच्या निमित्ताने कॅनडात आल्यावर पंतप्रधान नरेंद्र मोदी यांना घेरणार असल्याचे फूत्कार खलिस्तानी दहशतवादी आणि शीख फॉर जस्टिसचा प्रमुख गुरपतवंत सिंग पन्नू याने काढले आहेत.१५ ते १७ जून दरम्यान अल्बर्टा प्रांतातील कनानास्किस येथे होणार्‍या जी ७ शिखर परिषदेत सहभागी होण्यासाठी कॅनडाने मोदींना आमंत्रित केले आहे. यासाठी कॅनडाचे पंतप्रधान मार्क कार्नी यांनी पंतप्रधान मोदींना फोन केला.

त्यानंतर पन्नूने एक चित्रफीत समाजमाध्यमावर प्रसारित केली आहे. या चित्रफीतीमध्ये पन्नूने म्हटले आहे की, हरदीप सिंग निज्जरची १८ जून २०२३ रोजी गोळ्या घालून हत्या करण्यात आली होती. पंतप्रधान मोदींनी त्याच्या हत्येचे आदेश दिले होते. या हत्येमागचे कारण विचारण्यासाठी आम्ही मोदींना कॅनडात आल्यावर घेरणार आहोत. मी कॅनडाच पंतप्रधान मार्क कार्नी यांचे आभार मानतो, ज्यांनी खलिस्तान समर्थक शिखांना ऐतिहासिक संधी दिली आहे. ही एक दुर्मिळ संधी आहे, ज्यामध्ये आम्ही जी ७ देशांसमोर आणि जागतिक माध्यमांसमोर नरेंद्र मोदींच्या राजकारणावर थेट हल्ला करू शकू.