ब्रेकिंग

पॉडकास्टिंगविषयक कार्यशाळेला प्रतिसाद

Wrutuja pandharpure
07 Jun 2025

पुणे : टिळक महाराष्ट्र विद्यापीठाचा पत्रकारिता व जनसंज्ञापन विभाग, ग्रंथप्रेमी पॉडकास्ट व नीम ट्री पब्लिशिंग हाऊस यांच्या वतीने ओळख पॉडकास्टिंगची हे सर्वांना खुले व विनामूल्य सत्र नुकतेच विभागाच्या ऑडिओ व्हिज्युअल स्टुडिओमध्ये आयोजित करण्यात आले होते. पत्रकार, लेखक, संशोधक, आर्किटेक्ट, विद्यार्थी अशा विविध व्यवसायातील पस्तीस जण या परिचय सत्राला उपस्थित होते. यावेळी ग्रंथप्रेमी पॉडकास्ट व नीम ट्री पब्लिशिंग हाऊसच्या संचालिका द्वितीया सोनावणे उपस्थित होत्या.

चर्चासत्रात उज्ज्वला बर्वे, नचिकेत क्षिरे आणि निरंजन मेढेकर यांनी व्हिडिओ पॉडकास्टच्या विविध पैलूंचा परिचय करून दिला. उत्तरार्धात पॉडकास्टसाठी मुलाखत कशी घ्यायची व ती संकलित कशी करायची याचे प्रात्यक्षिक दाखवण्यात आले. टिमविने अधिक कालावधीच्या सशुल्क कार्यशाळा घ्याव्यात अशी सूचना सहभागींनी केली.