ब्रेकिंग

क्रीडा

वाहतूक कोंडीत अडकला वेस्ट इंडिजचा संघ

Wrutuja pandharpure
04 Jun 2025

लंडन : आपणच नेहमी ट्रॅफिकमध्ये अडकतो. तसेच इंग्लंडमध्ये वेस्ट इंडीज क्रिकेट संघ ट्रॅफिकमध्ये अडकला. त्यामुळे इंग्लंड विरुद्ध वेस्ट इंडीज यांच्यातील तिसर्‍या आणि निर्णायक एकदिवसाच्या सामन्याला उशीर झाला. मंगळवारी इंग्लंड क्रिकेट संघ आणि वेस्ट इंडिज क्रिकेट संघ यांच्यात खेळल्या जाणार्‍या एकदिवसीय मालिकेतील तिसरा सामना उशिरा झाला आहे. खरे तर, वेस्ट इंडिज संघ हॉटेलमधून मैदानाकडे निघाला होता, पण रस्तात तो ट्रॅफिकमध्ये अडकला. अशा परिस्थितीत मैदानावर वेळेवर न पोहोचल्याने सामना उशिरा झाला. यानंतर, सामन्याची वेळ बदलण्यात आली आहे. आता वेस्ट इंडिज संघ आल्यावर नाणेफेक होईल.

क्रिकबझच्या वृत्तानुसार, केनिंग्टन ओव्हल मैदानावर खेळवल्या जाणार्‍या तिसर्‍या एकदिवसाच्या सामन्याची नाणेफेक स्थानिक वेळेनुसार दुपारी १२:३० वाजता (भारतीय वेळेनुसार संध्याकाळी ५ वाजता) होणार होता, परंतु वेस्ट इंडिज संघ ट्रॅफिकमध्ये अडकल्यामुळे तो वेळेवर होऊ शकला नाही.आता संघ आल्यानंतर नाणेफेक स्थानिक वेळेनुसार दुपारी ०१:०० वाजता होईल आणि पहिला चेंडू दुपारी ०१:१० वाजता टाकला जाईल. हा पूर्ण ५० षटकांचा सामना असेल आणि त्यात कोणतीही ओव्हर रिडक्शन लागू होणार नाही.

या मालिकेत इंग्लंड संघाने २-० अशी अजिंक्य आघाडी घेतली आहे. २९ मे रोजी खेळल्या गेलेल्या मालिकेतील पहिल्या एकदिवसीय सामन्यात इंग्लंड संघाने २३८ धावांच्या मोठ्या फरकाने विजय मिळवला. त्याचप्रमाणे १ जून रोजी खेळल्या गेलेल्या दुसर्‍या एकदिवसीय सामन्यात संघाने ३ विकेट्सने शानदार विजय मिळवला. त्या सामन्यात जो रूटने इंग्लंडसाठी नाबाद १६६ धावांचे शतक ठोकले आणि संघाला विजय मिळवून दिला.