ब्रेकिंग

देश

अब्बास अन्सारी याला दोन वर्षांची शिक्षा

Wrutuja pandharpure
01 Jun 2025

लखनौ : उत्तर प्रदेशातील कुख्यात गुंड मुख्तार अन्सारी याचा मुलगा आणि आमदार अब्बास अन्नारी याला द्वेषपूर्ण भाषण प्रकरणी मऊ येथील न्यायालयाने दोषी ठरविताना दोन वर्षांची शिक्षा सुनावली. तसेच, तीन हजारांचा दंडही न्यायालयाने ठोठावला. यावेळी न्यायालया परिसरात मोठा पोलिस बंदोबस्त तैनात होता.उत्तर प्रदेश विधानसभा निवडणुकीदरम्यान द्वेषपूर्ण भाषण आणि आचारसंहितेचे उल्लंघन केल्याचा आरोप अब्बास याच्यावर होता. या प्रकरणाचा निकाल काल आला.

अब्बास अन्सारीने ३ मार्च २०२२ रोजी द्वेषपूर्ण भाषण दिले होते. तसेच, जाहीर सभेत मऊ प्रशासनाला निवडणुकीनंतर हिशेब चुकता करण्याची आणि त्यांना धडा शिकवण्याची धमकी दिली होती.आमदार अब्बास अन्सारी आणि इतरांना आरोपी करण्यात आले होते. न्यायालयाने अब्बास अन्सारीला आचारसंहिता उल्लंघनाच्या प्रकरणात दोषी ठरवले आणि दोन वर्षांची शिक्षा सुनावली. यासोबतच तीन हजारांचा दंडही ठोठावण्यात आला आहे. तसेच, अब्बासचा भाऊ मन्सूर अन्सारीलाही शिक्षा सुनावण्यात आली आहे. त्याला सहा महिने तुरुंगवास आणि एक हजार रुपये दंड ठोठावण्यात आला आहे.