ब्रेकिंग

क्रीडा

मुंबई इंडियन्सच्या गोलंदाजांचे भारतीय चाहत्यांकडून कौतूक

Wrutuja pandharpure
01 Jun 2025

मोहाली : आयपीएलच्या एलिमिनेटर सामन्यात मुंबई इंडियन्सने गुजरात टायटन्सविरुद्ध रोमांचक विजय मिळवून स्पर्धेत आपल्या आशा जिवंत ठेवल्या. मुंबईच्या गोलंदाजांचे भारतीय चाहत्यांनी कौतूक केले आहे. या सामन्यात प्रथम फलंदाजी करताना मुंबई इंडियन्सने २० षटकांत ५ गडी गमावून २२८ धावा केल्या. प्रत्युत्तरात गुजरातचा संघ २० षटकांत ६ गडी गमावून फक्त २०८ धावा करू शकला. या सामन्याच्या शेवटच्या षटकात एक अनोखी घटनाही पाहायला मिळाली. शेवटच्या षटकात २४ धावांचा बचाव करताना, मुंबईने २ गोलंदाजांचा वापर केला.

या सामन्यात मुंबई इंडियन्सने प्रथम फलंदाजी केली आणि मोठी धावसंख्या उभारली, ज्यामध्ये त्यांच्या स्टार फलंदाजांनी महत्त्वाची भूमिका बजावली. प्रत्युत्तरात, गुजरात टायटन्सची फलंदाजी सुरुवातीला काही चांगले शॉट खेळत होते, परंतु मधल्या षटकांत मुंबईच्या गोलंदाजांनी शानदार पुनरागमन केले आणि सामना शेवटच्या षटकात ओढला.

गुजरातला शेवटच्या षटकात २४ धावांची आवश्यकता होती आणि मुंबईच्या कर्णधाराने चेंडू त्याच्या वेगवान गोलंदाज रिचर्ड ग्लीसनकडे सोपवला. रिचर्ड ग्लीसनने षटकाची सुरुवात शानदार पद्धतीने केली आणि पहिल्या तीन चेंडूंवर धावा काढण्याची एकही संधी गुजरातच्या फलंदाजांना दिली नाही. या ३ चेंडूंवर त्याने फक्त ३ धावा दिल्या आणि मुंबईचा विजय निश्चित केला. पण तिसर्‍या चेंडूनंतर ग्लीसनला अचानक स्नायूंमध्ये ताण जाणवला, ज्यामुळे त्याला मैदान सोडावे लागले. या परिस्थितीत, मुंबईच्या कर्णधाराने षटकातील उर्वरित तीन चेंडू टाकण्याची जबाबदारी तरुण गोलंदाज अश्विनी कुमारकडे सोपवली. या हंगामात फारशा संधी न मिळालेल्या अश्विनीने दोन्ही हातांनी ही संधी साधली.

त्याने केवळ दबाव हाताळला नाही, तर आपल्या अचूक गोलंदाजीने गुजरातच्या फलंदाजांना मोठे शॉट्स खेळण्यापासून रोखले. अश्विनीने शेवटच्या तीन चेंडूंवर एक महत्त्वाचा विकेट देखील घेतली आणि मुंबईने २४ धावांचा यशस्वीपणे बचाव केला. शेवटचे षटक टाकण्यासाठी मुंबईकडे अनेक पर्याय उपलब्ध होते. रिचर्ड ग्लीसन व्यतिरिक्त, हार्दिक पांड्या, मिशेल सँटनर, नमन धीर आणि अश्विनी कुमार यांचे षटक बाकी होते. पण मुंबई इंडियन्सने रिचर्ड ग्लीसनवर विश्वास दाखवला, जो सर्वात अनुभवी गोलंदाज आहे आणि त्याला टी-२० क्रिकेटचा भरपूर अनुभव आहे.