ब्रेकिंग

व्यासपीठ

व्हॉट्सऍप कट्टा

Wrutuja pandharpure
31 May 2025

पावसाची ओढ

अंतरंगातला ओलावा सरता सरत नाही

अन् पावसाची ओढ जरा कमी होत नाही

पडण्याआधी सृष्टी झाकोळतो हा पुरती

विश्वासात घेऊनी मेघाना करी गूज मस्ती

झरझर जलधारांचे कुणा मोज-माप नाही......

वृक्ष वेली, बंध-बांध चिंब चिंब भिजवतो

’आंदळून’ तलावांना शेत मळे पिकवतो

ना कसली पर्वा याला फिकीर कशाची नाही.....

ऋतू कुशीतून चाले वर्षा नर्तन तालात

झिंग चढे सरसरणारी आपुल्या नादात

निळा पिसारा मिटण्या मोराला घाई नाही....

परमात्मा उधळी नभातूनी जल मोती

आत्मा ओंजळ भरीतो कधी न होण्या रीती

तृषा अवनीची नित नितशी वर्धिष्णु राही...

- कविता मेहेंदळे

मो. ९३२६६ ५७०२७

-------

यशाचे शिखर गाठायचे असेल तर स्वतःला झिजवावे लागतेच, तेव्हाच आकाशात उंच भरारी घेता येते. यश मिळवण्यासाठी कठोर परिश्रम, समर्पण आणि सातत्य आवश्यक असते. कोणत्याही क्षेत्रात यशस्वी होण्यासाठी संघर्षाला सामोरे जावे लागते. यशस्वी लोक अपयशांमधून शिकतात, मेहनत घेत राहतात आणि कधीही हार मानत नाहीत. जसे सोनं तापल्यावरच शुद्ध होतं, तसेच परिश्रम आणि जिद्दीनेच मोठे यश मिळवता येते. म्हणूनच, स्वप्न पूर्ण करायची असतील, तर कष्ट, धैर्य आणि आत्मविश्वासाच्या बळावर प्रयत्नांची शिकस्त करावी लागते.

-------

परिक्षेतील एक प्रश्न : कोण कोणास म्हणाले?

तुम्हाला भेटून आनंद झाला !

उत्तर : आनंदची आई, आनंदच्या वडिलांना...!

-------

गोष्ट खूप छोटी असते हो....

तुम्ही गाडीतून जातांना, न उतरता रस्त्यावरच्या माणसाला एखादा पत्ता विचारला तर बर्‍याचदा तो मिळतच नाही, पण उतरून जर, दादा पत्ता सांगता का? असं विचारलं, तर काहीतरी हिंट नक्कीच मिळते...