पाकिस्तानात ३४ बंडखोरांना अटक   

इस्लामाबाद : पाकिस्तानच्या पंजाब प्रांतातील कायदा अंमलबजावणी संस्थांनी  मोठा दहशतवादी हल्ला उधळून लावत ३४ बंडखोरांना अटक केली. दहशतवाद विरोधी विभागाने एका निवेदनात म्हटले आहे की, अटक केलेले बहुतेक बंडखोर बंदी घातलेल्या तहरीक-ए-तालिबान पाकिस्तान (टीटीपी) गटाचे होते, त्यापैकी तिघांची नावे सर्वात धोकादायक बंडखोर श्रेणीत समाविष्ट करण्यात आली आहेत. या आठवड्यात प्रांतातील विविध जिल्ह्यांमध्ये ४१५  गुप्तचर कारवाया करण्यात आल्या. त्याअंतर्गत ३४ बंडखोरांना अटक करण्यात आली.
 
या बंडखोरांना लाहोर, रावळपिंडी, गुजरांवाला, झेलम, बहावलपूर, साहिवाल, नरोवाल, झेलम, पाकपट्टन, बहावलनगर, बुखारा, कसूर आणि ननकाना साहिब येथील विविध ठिकाणांहून अटक करण्यात आली आहे. त्यांच्याकडून ५ हजार ८४१ ग्रॅम स्फोटके, १९ डेटोनेटर्स, ५१ फूट सेफ्टी फ्यूज वायर आणि हातबॉम्ब जप्त करण्यात आले.

Related Articles