News - Daily Kesari

रास्तभाव दुकानातून तीन महिन्यांचे धान्य जूनमध्येच मिळणार

Wrutuja pandharpure
30 May 2025

पुणे : पावसाळा तसेच परिणामी पूर इत्यादी प्रतिकुल परिस्थितीमुळे राज्य व केंद्रशासित प्रदेशांना अन्नधान्याची उचल व वाटप करताना येणार्‍या अडचणी लक्षात घेता एनएसएफए अंतर्गत लाभार्थ्यांना अन्नधान्याचे वेळेत वितरण करण्यासाठी तीन महिन्यांचे अर्थात ऑगस्टपर्यंतचे धान्य जूनमध्ये देण्याचा निर्णय राज्य सरकारने घेतला आहे. या धान्याची उचल ३१ मे पर्यंत व वाटप ३० जूनपर्यंत पूर्ण करण्याचे निर्देश जिल्हा पुरवठा अधिकारी महेश सुधळकर यांनी दिली आहे.

जिल्ह्यातील आंबेगाव, जुन्नर, मावळ, मुळशी, खेड, बारामती, इंदापूर, दौंड, शिरूर, भोर, वेल्हा, पुरंदर, हवेली या तालुक्यातील तहसीलदारांनी त्या अनुषंगाने एनएसएफए अंतर्गत करण्यात येणार्‍या ऑगस्ट २०२५ पर्यंतच्या अन्नधान्याची उचल व वाटप विहित कालावधीत पूर्ण करण्याबाबत तातडीने आवश्यक कार्यवाही करावी. तसेच मात्र, लाभार्थ्यांनी माहे ऑगस्ट २०२५ पर्यंतच्या धान्याची उचल रास्तभाव दुकानातून करावी, असेही आवाहन सुधळकर यांनी केले आहे.