ब्रेकिंग

गुन्हेगारी जगत

पंढरपूरमध्ये एकाच कुटुंबातील चौघांची आत्महत्या

Wrutuja pandharpure
09 Jul 2025

सोलापूर,(प्रतिनीधी) : पंढरपूर तालुक्यातील कासेगाव येथे धक्कादायक घटना आली आहे. कौटुंबिक वादातून पंढरपूर तालुक्यातील कासेगाव येथे आषाढी एकादशी दिवशी २५ वर्षांची पत्नी मोनाली, ६ वर्षांचा मुलगा कार्तिक आणि ४ वर्षांची मुलगी प्रगती यांनी आपल्याच शेतातील विहिरीत आत्महत्या केली. मोनाली हिने आपल्या दोन मुलांना घेऊन विहिरीत उडी टाकल्याचे समजतात पती म्हमाजी आसबे याने घरात गळफास घेऊन आत्महत्या केल्याने पंढरपूरसह सोलापूर जिल्ह्यात खळबळ उडाली आहे.

घटनेची माहिती मिळताच पंढरपूर तालुका पोलिसांनी तातडीने घटनास्थळी धाव घेतली. कासेगावातील शेतात जाऊन या विहिरीतून मोनाली आणि तिच्या दोन चिमुरड्यांचे मृतदेह सायंकाळी बाहेर काढण्यात आले. पंढरपूर तालुका पोलिसात याची नोंद झाली असून पुढील अधिक तपास पोलीस यंत्रणांकडून सुरू करण्यात आला आहे.

दरम्यान, या कुटुंबाचा प्रमुख असलेला आणि गळफास घेऊन आत्महत्या केलेल्या म्हमाजी आसबे याचा मृतदेह पोलिसांनी खाली काढला. पती-पत्नीच्या कौटुंबिक वादातून ही धक्कादायक घटना झाल्याचा प्राथमिक अंदाज व्यक्त होत आहे. दरम्यान, म्हमाजी आसबे यांची कासेगावात शेती असून त्यांच्या द्राक्ष बागेतील विहिरीतच पत्नी मोनालीने तिच्या दोन चिमुकल्या मुलांसह आत्महत्या केल्याचा धक्कादायक प्रकार घडला आहे. या घटनेने कासेगावात शोककळा पसरली असून सर्वत्र हळहळ व्यक्त होत आहे.