मजूराच्या मृत्यूप्रकरणी ठेकेदारावर गुन्हा   

पुणे : इमारतीचा स्लॅब कोसळून मजुराचा मृत्यू झाल्याप्रकरणी लष्कर पोलिसांनी एका ठेकेदारावर गुन्हा दाखल केला. युवराज राऊत (महंमदवाडी) असे गुन्हा दाखल झालेल्या ठेकेदाराचे नाव आहे. पोलीस उपनिरीक्षक अवधूत देशमुख यांनी याप्रकरणी लष्कर पोलीस ठाण्यात तक्रार दिली.
 
लष्कर भागातील साचापीर स्ट्रीट परिसरात एका इमारतीचे बांधकाम सुरू होते. या ठिकाणी १ जुलैला दुपारी इमारतीतील स्लॅबवर शुभंकर मंडल (वय १९, मूळ रा. पश्चिम बंगाल) याच्यासह तीन मजूर काम करत होते. दुपारी दोनच्या सुमारास स्लॅब कोसळला आणि मंडल याच्यासह तीन मजूर गंभीर जखमी झाले. मंडल याला तातडीने रुग्णालयात दाखल करण्यात आले. मात्र, उपचारांपूर्वीच त्याचा मृत्यू झाला होता. या घटनेनंतर पोलिसांनी घटनास्थळी भेट दिली.
 
बांधकाम मजुरांच्या सुरक्षेविषयक पुरेशी काळजी न घेणे, सुरक्षाविषयक साधने न पुरविल्याचे चौकशीत उघडकीस आले. बांधकाम ठेकेदार राऊत याच्या बेजबाबदारपणामुळे दुर्घटना घडल्याचे तपासात उघडकीस आले.

Related Articles