अनिवासी भारतीय आता UPI वापरू शकणार   

परदेशी नंबरवरुनच करता येणार पेमेंट, जाणून घ्या

दुबई, युएईमध्ये राहणारे अनिवासी भारतीय ज्यांचे IDFC First बँक एनआरई किंवा एनआरओ खाते असेल तर ते भारतात पेमेंट करण्यासाठी 'गुगल पे'चा वापर करू शकतात. आता अनिवासी भारतीयांना आंतरराष्ट्रीय मोबाइल क्रमांकांचा वापर करून कोणत्याही UPI अ‍ॅप्सशी ( Google Pay आणि PhonePe ) त्यांचे बँक खाते लिंक करू शकतात. तसेच कोणतेही पेमेंट करू शकतात. त्यामुळे आता स्थानिकांप्रमाणे अनिवासी भारतीयांनाही यूपीआय पेमेंट करता येईल. 
 
IDFC First बँकेने अनिवासी भारतीय (NRI) ग्राहकांना त्यांच्या आंतरराष्ट्रीय मोबाइल क्रमांकांचा वापर करून भारतातील व्यवहारांसाठी युनिफाइड पेमेंट इंटरफेस (UPI) वापरण्याची परवानगी देणारी नवीन सेवा सुरू केली आहे.
 
एनआरई आणि एनआरओ बँक खातेधारकांसाठी उपलब्ध असलेली ही सेवा विनामूल्य आहे आणि ऑस्ट्रेलिया, कॅनडा, फ्रान्स, हाँगकाँग, मलेशिया, ओमान, कतार, सौदी अरेबिया, सिंगापूर, संयुक्त अरब अमिराती (UAE), युनायटेड किंगडम आणि युनायटेड स्टेट्स ऑफ अमेरिका (यूएसए) या 12 देशांमधून वापरली जाऊ शकते.

IDFC बँकेने सुरू केलेल्या नवीन NRI UPI पेमेंट फीचर

IDFC First बँकेने आपल्या 25 जून 2025 च्या प्रसिद्धी पत्रकात जाहीर केले की NRE / NRO ग्राहक त्यांच्या आंतरराष्ट्रीय मोबाइल क्रमांकांचा वापर करून कोणत्याही UPI-सक्षम अ‍ॅप्सशी (जसे की फोनपे, गुगल पे , पेटीएम) त्यांचे बँक खाते लिंक करू शकतात. उदाहरणार्थ, दुबई, युएईमध्ये राहणारे अनिवासी भारतीय ज्यांचे आयडीएफसी फर्स्ट बँक एनआरई किंवा एनआरओ खाते असेल तर ते भारतात पेमेंट करण्यासाठी गुगल पेचा वापर करू शकतात.

NRI UPI पेमेंटची वैशिष्ट्ये

बँकेने या नव्या फीचरचे अनेक महत्त्वाचे फायदे अधोरेखित केले: आंतरराष्ट्रीय मोबाइल क्रमांकांचा वापर: अनिवासी भारतीय भारतीय सिमची आवश्यकता नसताना त्यांचे NRE / NRO खाते UPI शी लिंक करू शकतात.
 
इन्स्टंट पेमेंट: QR कोड, UPI ID किंवा मोबाइल नंबरचा वापर करून त्वरित पैसे पाठवा आणि प्राप्त करा किंवा बिल त्वरित भरा.
शून्य शुल्क: यूपीआय व्यवहार विनामूल्य आहेत.
 
सुरक्षित व्यवहार: ही सेवा देशांतर्गत UPI व्यवहारांप्रमाणेच सुरक्षा मानके प्रदान करते.

आंतरराष्ट्रीय मोबाइल क्रमांकांसह UPI कसे वापरावे?

IDFC First बँकेने स्पष्ट केले की अनिवासी भारतीय कोणत्याही परकीय चलन शुल्काशिवाय भारतातील व्यवहारांसाठी परदेशातून देखील UPI सुविधेचा वापर करू शकतात.

सेवा कशी वापरायची 

IDFC First बँक अ‍ॅपवर लॉगिन करा आणि 'पे' क्लिक करा
लिंक बँक खाते
पेमेंट सुरू करण्यासाठी UPI ID तयार करा
 

Related Articles