डॉ. तावरे प्रकरणाची सुनावणी मंगळवारी   

पुणे : कल्याणीनगर अपघात प्रकरणातील आरोपी अल्पवयीन मुलाच्या रक्ताचे नमुने बदल केल्याप्रकरणात अटकेत असलेल्या ससून रूग्णालयातील न्यायवैद्यक  विभागाचे प्रमुख डॉ. अजय तावरेच्या पुढील प्रकरणाची सुनावणी आता ८ जुर्ले रोजी होणार आहे. 
 
या प्रकरणातील अल्पवयीन आरोपींना वैद्यकीय तपासणीसाठी ससून रूग्णालयात आणले असता त्यावेळी न्यायवैद्यकीय विभागाचे प्रमुख डॉ. अजय तावरे तेथे उपस्थित नव्हते. त्यामुळे डॉ. तावरे याच्याविरुद्ध बनावट कागदपत्रे तयार केल्याचा कुठलाच गुन्हा लागू होत नाही, असे बचाव पक्षाचे वकील सुधीर शहा यांनी युक्तिवादात न्यायालयात सांगितले.
 
या प्रकरणात रक्ताचे नमुने बदल, तसेच पुरावा नष्ट केल्याप्रकरणी गुन्हा दाखल करण्यात आला होता. दहा आरोपींविरुद्ध आरोप निश्चिती प्रक्रिया सुरू करण्यात आली. सरकार पक्षाकडून विशेष सरकारी वकील शिशिर हिरे यांनी शुक्रवारी खटल्याची माहिती न्यायालयासमोर मांडली. आरोप निश्चितीबाबत डॉ. तावरे यांच्या वतीने वकील सुधीर शहा यांनी बाजू मांडली. 
 
डॉ. तावरे याच्याविरोधात गुन्हेगारी कट रचल्याचे पुरावे पोलिसांकडे नाहीत. अन्य आरोपींची बाजू मांडण्यासाठी बचाव पक्षाच्या वकिलांकडून काही दिवसांची मुदत मागण्यात आली. 
 

Related Articles