आगामी ग्रहयोग : उदयराज साने

७७५७०५१२९३

 

मेष : काळजी घ्या

 

या सप्ताहात सामाजिक कार्यात सहभागी होत असता स्वतंत्रपणे आपल्या प्रकृतीची काळजी घ्या. या सप्ताहात मंगळ-हर्षल षडाष्टक व रवि-शनि केंद्रयोगामुळे आपणास दुखापत होऊ शकते, यामुळे काळजी घ्यावी. आर्थिक स्तरावर पैसे वेगाने खर्च होऊ शकतात. अश्विनी नक्षत्र पहिला-तिसरा चरण, भरणी नक्षत्र दुसरा व तिसरा चरण, कृत्तिका नक्षत्र पहिला चरण यांना सहज यश मिळेल.

 

शुभ तारखा - ११, १३, १७.

 

वृषभ : यंत्रांपासून सावध

 

या सप्ताहात यंत्रांबरोबरची कामे करताना खूप काळजी घ्यावी लागणार आहे. सप्ताहात होणारा मंगळ-हर्षल षडाष्टक आपणास तापदायक असण्याची शक्यता आहे. कृत्तिका नक्षत्र तृतीय व चतुर्थ चरण, रोहिणी नक्षत्र पहिला व तिसरा चरण, मृग नक्षत्र दुसरा चरण यांना यश मिळविण्यासाठी जास्तीचे प्रयत्न करावे लागणार आहेत.

 

शुभ तारखा - ११, १२, १३, १७.

 

मिथुन : भांडणे वाढू देऊ नका

 

या सप्ताहात मंगळ-हर्षल षडाष्टक असल्याने भागीदारीत भांडणे वाढू देऊ नका. आपल्या व्यवसायात वाढ व्हावी म्हणून ज्येष्ठांचे मार्गदर्शन घ्यावे. अनेक ठिकाणी सुसंवादावर भर द्यावा लागेल. आर्थिक स्तरावर आवक व जावक सारखीच राहील. मृग नक्षत्र तृतीय चरण, आर्द्रा नक्षत्र पहिला-तिसरा व चौथा चरण, पुनर्वसु नक्षत्र पहिला-तिसरा चरण यांना यश मिळविण्यासाठी जास्तीचे कष्ट करावे लागणार आहेत.

 

शुभ तारखा - ११, १७.

 

कर्क : चातुर्याने परिस्थिती हाताळा

 

या सप्ताहात व्यवहारातील किचकट गोष्टींबाबत निर्णय करताना आपल्याकडील चातुर्याची परीक्षा आपणास द्यावी लागणार असून, व्यवहारातील बारकावे आपणास काळजीपूर्वक तपासावे लागतील. मतभेदाचे प्रसंगात हसून वेळ मारून न्यावी. आर्थिक स्तरावर आवकीपेक्षा जावक जास्त राहणार आहे. पुष्य नक्षत्र दुसरा व तिसरा चरण, आश्लेषा नक्षत्र पहिला-तिसरा व चौथा चरण यांना यश मिळविण्यासाठी भरपूर कष्ट करावे लागणार आहेत.

 

शुभ तारखा - १३, १४, १७.

 

सिंह : ताण वाढेल

 

या सप्ताहात मंगळ-हर्षल षडाष्टक होत असल्याने व रवि-शनि केंद्रयोग होत असल्याने आपल्यावरील वाढत्या कामांचा ताण वाढणार आहे. कौटुंबिक जबाबदारीसुद्धा वाढू शकते. या सर्वांमुळे आर्थिक कोंडी होऊ शकते. मघा नक्षत्र पहिला व तिसरा चरण, पूर्वा नक्षत्र दुसरा व तिसरा चरण, उत्तरा नक्षत्र पहिला चरण यांना सहज यश मिळेल.

 

शुभ तारखा - ११, १३, १७.

 

कन्या : यश मिळेल

 

या सप्ताहात गोचर ग्रहमानाचा चांगला पाठिंबा आपणास मिळणार असल्याने आपली बरीच अडलेली कामे होणार आहेत. अति महत्त्वाच्या कामांचा पाठपुरावा करावा लागणार आहे. आपल्या कार्यक्षेत्रात आपला सन्मान होऊ शकतो. उत्तरा नक्षत्र तृतीय व चतुर्थ चरण, हस्त नक्षत्र पहिला व तिसरा चरण, चित्रा नक्षत्र दुसरा चरण यांना सहज यश मिळेल.

 

शुभ तारखा - ११, १२, १३, १७.

 

तूळ : अंदाज बरोबर येतील

 

या सप्ताहात आपले व्यापार विषयक आडाखे बरोबर येतील. आपल्या नव्या संकल्पना राबविताना इतरांचेही सहकार्य चांगले मिळेल. सप्ताहात रवि-शनि केंद्रयोग असल्याने कष्टाच्या मानाने यश कमी मिळेल. आर्थिक स्तरावर आपण सुरक्षित आहात. चित्रा नक्षत्र तृतीय चरण, स्वाती नक्षत्र पहिला-तिसरा व चौथा चरण, विशाखा नक्षत्र पहिला व तिसरा चरण यांना सहज यश मिळेल.

 

शुभ तारखा - ११, १७.

 

वृश्चिक : मतभेद वाढू देऊ नका

 

या सप्ताहात व्यावहारिक मतभेद वाढू देऊ नका. यातूनच नवे गुप्त शत्रू निर्माण होऊ शकतात. या सप्ताहात मंगळ-हर्षल षडाष्टक व रवि-शनिचा केंद्रयोग म्हणूनच कोणाशीही शत्रुत्व पत्करू नका. आर्थिक स्तरावर आवक व जावक सारखीच राहील. अनुराधा नक्षत्र दुसरा व तिसरा चरण, ज्येष्ठा नक्षत्र पहिला-तिसरा व चौथा चरण यांना यश मिळविण्यासाठी भरपूर प्रयत्न करावे लागणार आहेत.

 

शुभ तारखा - १३, १४, १७.

 

धनु : विरोध वाढेल

 

या सप्ताहात राशीला बारावे बुध-शुक्र असल्याने आपल्याबद्दल संशयाची सुई सारखी फिरत राहणार आहे. विरोधकांचा प्रभाव यामुळे वाढत जाणार आहे. व्यवहारातील माणसांची योग्य ती पारख करूनच नंतर त्यांचेबरोबर व्यवहार करावा. मूळ नक्षत्र पहिला व तिसरा चरण, पूर्वाषाढा नक्षत्र दुसरा व तिसरा चरण, उत्तरा नक्षत्र पहिला चरण यांना सहज यश मिळेल.

 

शुभ तारखा - ११, १२, १३.

 

मकर : शत्रू हैराण करतील

 

या सप्ताहात राशीला बारावे रवि-मंगळ असल्याने गुप्त शत्रूंचा चांगलाच जोर दिसून येतो. प्रियजनांची साथ मिळणार नाही कारण आपणही त्यांना मदत केलेली नाही. नव्या संकल्पना आपल्या अंगलट येतील. आर्थिक स्तरावर आवकीपेक्षा जावक जास्त राहणार आहे.  उत्तराषाढा नक्षत्र तृतीय व चतुर्थ चरण, श्रवण नक्षत्र पहिला व तिसरा चरण, धनिष्ठा नक्षत्र दुसरा चरण यांना यश मिळविण्यासाठी जास्तीचे प्रयत्न करावे लागणार आहेत.

 

शुभ तारखा - ११, १७.

 

कुंभ : व्यवसायात अडचणी

 

या सप्ताहात रवि-शनि केंद्रयोग व मंगळ-हर्षल षडाष्टक असल्याने व्यवसायात अडचणी येणार आहेत. त्याची तीव्रता सुमारे तीन दिवस टिकणार असल्याने संयमानेच यातून मार्ग काढावा लागेल. यात आपणास प्रियजनांची साथ मिळेल. धनिष्ठा नक्षत्र तृतीय चरण, शततारका नक्षत्र पहिला-तिसरा व चौथा चरण, पूर्वाभाद्रपदा नक्षत्र पहिला व तिसरा चरण यांना यश मिळविण्यासाठी जास्तीचे प्रयत्न करावे लागणार आहेत.

 

शुभ तारखा - १२, १३, १४.

 

मीन : चंद्रबळ नाही

 

या सप्ताहात आपणास चंद्रबळ नाही. या सप्ताहात रवि-शनि केंद्रयोग यामुळे प्रत्येक कामात विलंब लागू शकतो. किरकोळ व्यापारी वर्गाने अथवा नोकरदार लोकांनी आपले काम बरे व आपण बरे या भावनेतूनच राहावे. आर्थिक स्तरावर आवक व जावक सारखीच राहील. रेवती नक्षत्र पहिला व तिसरा व चौथा चरण यांना यश मिळविण्यासाठी जास्तीचे प्रयत्न करावे लागणार आहेत.

 

शुभ तारखा - ११, १२, १४.

 

राशींचे एक्स्चेंज

 

या सप्ताहात अग्रनामांकित राशीमध्ये सर्वप्रथम वृषभ-मिथुन-कन्या-तूळ त्यानंतर कर्क-सिंह-वृश्चिक-धनु-मेष-मकर यांचा क्रम येतो. सर्वांत शेवट कुंभ-मीन या आहेत.

राशींचे एक्स्चेंज

 

या सप्ताहात अग्रनामांकित राशींमध्ये सर्वप्रथम वृषभ-मिथुन-तूळ-सिंह-कन्या यांचा समावेश होतो. त्यानंतर मेष-कर्क-वृश्‍चिक-धनु-मकर यांचा क्रम येतो सर्वांत शेवट कुंभ-मीन या आहेत.

 

मेष : मानसिक आरोग्य सांभाळा

 

या नव्या वर्षात (सन 2026) शनि महाराज अश्विनी नक्षत्र पार करणार असल्याने केवळ हितशत्रूंच्या कारवाया-आर्थिक हानी टाळणारे भ्रमण असल्याने काळजीचे कारण नसले तरी उधार-उसनवार करू नये. नव्या वर्षात राहूचा भक्कम पाठिंबा मिळणार असल्याने नव्या  आजारांची भीती मनात उत्पन्न करणार असल्याने आपण सर्वतोपरी काळजीने राहावे. पथ्य पाळावेच लागेल. पित्ताचे त्रास-मधुमेही व रक्तदाब असलेल्या लोकांनी विशेष काळजी घ्यावी. नव्या वर्षात आपल्या संयमांची परीक्षा ग्रहांकडून वारंवार घेतली जाणार आहे. गुरूभ्रमणाची साथ मिळत राहणार आहे.

 

व्ययातील शनि व पंचमात आलेला केतू नातेसंबंधात दुरावा निर्माण करेल. जूनपासून कर्केतील गुरूमुळे साडेसातीचा ताण हलका होईल. नवपरिणीत मुला-मुलींसाठी नवे वर्ष आपण निवड केलेली व्यक्ती नक्की चांगली आहे ना? याचा शोध घ्या मगच आपले प्रेम व्यक्त करा. अपत्यप्राप्तीसाठी हा कालावधी चांगला नसल्याने ऑक्टोबर 31 पर्यंत हा विचार पुढे ढकला.

 

विद्यार्थी वर्गाला राहूचे पाठबळ चांगले मिळणार असल्याने आत्मविश्‍वास व ऊर्जा दोन्ही आपणास मिळणार आहे. मात्र आपले चित्त आपण सदोदित अभ्यासातच ठेवावयास हवे नाहीतर वाटेतील मोहाच्या पायर्‍यांवरून पंचमातून आलेला केतु आपली सर्व स्वप्ने उद्ध्वस्त करेल. व्यसनांच्या सापळ्यात स्वतःला अडकवू नका. व्यवसाय करणार्‍यांनी गुरू व शनिची अनुकूलता फारशी मिळणार नसल्याने तेजी-मंदीचा विशिष्ट अंदाज घेऊनच व्यवसायात उतरावे. आपली व्यवसायातील कोणतीही महत्त्वाची गुपिते इतरांना सांगू नका. चांगले गुरूबळ आल्याशिवाय जमीन खरेदीचे प्रयत्नही करू नयेत. जूननंतर यामध्ये थोडी अनुकूलता येण्याचा संभव दिसून येतो. आपल्यावरील सर्व कोर्टमॅटर पुढे ढकलणे श्रेयस्कर ठरेल; कारण आपल्याला फारसे काही साध्य करता येणार नाही. गुप्त शत्रूंचा ससेमिरा टाळण्यासाठी नियमित जप-जाप्य करावे. अकरावा राहू हा प्रवासातील सर्व अडथळे भेदणारा असल्याने प्रवासास अनुकूलता या जूनपासून येणार आहे. अकरावा राहू आपले अर्थकारण चांगले सांभाळेल.        

 

आपणास नव्या संधी हा राहू निश्‍चितच देणार असल्याने आपली प्रतिष्ठा आणखी उंचावेल. महत्त्वाचे आर्थिक निर्णय घेताना ज्येष्ठांना विचारावे लागणार आहे. कर्जप्रकरणे मात्र तयार करू नका. शेअर बाजारातील गुंतवणूक करताना अत्यंत सावध राहावे. जूननंतर त्यामध्ये अनुकूलता येऊ शकते. नव्या वर्षात मात्र कोणताही मोठा धोका पत्करू नका. आर्थिक आघाडी हा गोचर राहू चांगला सांभाळेल; मात्र जूननंतर हे लक्षात ठेवावे. मार्च-एप्रिल-मे हे वर्षातील सर्वांत तापदायक महिने आहेत, असे लक्षात ठेवावे. जूनला होणारे गुरूच्या राश्यांतरापासून आपले बस्तान पुन्हा बसवून देईल.

 

आगामी काळ साडेसातीचा महत्त्वाचा टप्पा असल्याने यात आपणास सर्वतोपरी सावध राहून वाटचाल करायची आहे. नातेसंबंधात जरी थोडी समस्या आली तरी त्याकडे दुर्लक्ष करून धीमेपणाने वाटचाल केली असता साडेसातीतसुद्धा चांगले यश हस्तगत करता येईल; पण ईश्‍वरी कास मात्र सोडू नये.

 

वृषभ : अर्थकारण सुधारेल

 

नव्या वर्षात प्रवेश करताना थोडे हायसे वाटेल कारण जुन्या वर्षात अनेक समस्यांना वारंवार तोंड देताना त्यांची चांगलीच दमछाक झाली. प्रवास व कामाचे दडपण सहन करून वाटचाल करत असता आर्थिक आघाडीवर मात्र चांगले बस्तान बसेल. त्याचा 2026 ला प्रवेश करताना खरा फायदा होणार आहे. नव्या वर्षात कार्यक्षेत्रातील आव्हानांचा सामना करताना गुरू प्रथम द्वितीयात, शनि हा अकरावा व राहू दशमात ही ग्रहस्थिती आर्थिक पाठबळ आणखी भक्कम करेल. कंपनीकडून आणखी मोठी ऑफर आल्यास आश्चर्य वाटणार नाही. अकरावा शनि जीवनातील अनेक प्रकारच्या महत्त्वाच्या सफलता मिळवून देईल. गुंतवणुकीत चांगला फायदा होणार असल्याचे संकेत ग्रहयोग देत असल्याने काळजी उरणार नाही. व्यावसायिक सफलतेसाठी आपण घेत असलेल्या मेहनतीचे चीज होईल. एकूणच दशमातील राहु व अकरावा शनि ही आर्थिक आघाडी जोरदार सुधारणार असून, आपल्याला मागे वळून पाहताना आपणास चांगलाच आनंद होईल. दि. 2 सप्टेंबरला गोचर शुक्र हा वक्री होतो. ते थेट 31 डिसेंबरपर्यंतचे हे शुक्रभ्रमण आर्थिक आघाडीवर तर खूपच चांगले असले तरी आरोग्यासाठी मात्र हे भ्रमण तापदायक ठरेल. पारंपरिक व घराण्यात प्रचलीत असलेले आजार असलेल्यांनी आपले पथ्यपाणी काटेकोर पाळले तर आजाराची फारशी काळजी करण्याचे नव्या वर्षात कारण नाही. त्यांनी फक्त 2 सप्टेंबर ते 31 डिसेंबरपर्यंत पूर्ण काळजी घ्यावी. मार्च ते जून हा संपूर्ण कालावधी कष्टाचा असला तरी केलेल्या कष्टाचे चीज होत आहे हे पाहावयास मिळेल. नवे वर्ष प्रेम-प्रणयाचे असल्या सारखी आपली अवस्था होणार आहे. नवपरिणीत वधू-वरांनी जूनपूर्वी विवाह उरकून घ्यावा. नव्या वर्षात गुरू-शनि-राहु यांची स्थिती अनुकूल राहणार असल्याने नवा जोडधंदा व्यापारी वर्गाला करता येईल. आर्थिक यश नव्या जोड व्यवसायाला लगेच मिळणार असल्याने आपली प्रतिष्ठा आणखी वाढताना आढळेल. नव्या वर्षात गुरु-शनि-राहु या ग्रहांची साथ मिळाल्याने आपली गुंतवणूकही चांगली फायदेशीर होईल. त्याचा परतावा आपणास निश्‍चितच चांगला मिळेल. नोकरीत बढती - व्यवसायात चांगले यश, अपत्यप्राप्तीचे योग, चांगले आर्थिक उत्पन्न अशी चौफेर होणारी प्रगती आता कोणी रोखू शकणार नाही. राजकारणात आपण फारसे नसले तरी राजकारण्यांच्या आशीर्वादाने आपली अडलेली कामे मात्र उरकणे शक्य होणार असल्याने अशा संधीची वाट पाहात राहा. मार्च ते जून हा संपूर्ण कालावधी नव्या वर्षात चांगला असून, त्याचा उपयोग आपण आपल्या सर्वांगीण उन्नतीसाठी करावा. त्यात यश मिळेल. आयुष्यातील सर्वोत्तम ठरणार्‍या संधी या काळात आयत्या चालून येतील. एखादी गुंतवणूक दीर्घकाळ आपणास चांगला परतावा देईल. नव्या वर्षात उसने पैसे मात्र कोणालाही देऊ नये. नव्या वर्षात कामाचे लोड जबरदस्त असल्याने आपल्या आरोग्याची पूर्ण काळजी घेऊनच कामात झोकून द्यावे. प्रवासाचे योग चांगले असल्याने कामाच्या निमित्ताने असा प्रवास आपण सहजपणे करू शकता. व्यापारी वर्गाला प्रवासातून व्यवसाय वाढीसाठी संधी येतील. अकरावा शनि हा जीवनातील दुर्मीळ कामातून चांगले यश दाखवत असल्याने अशी सर्व अनेक वर्षातील अडलेली कामे प्रथम उरकण्याचा प्रयत्न करावा. त्यात उत्तम यश मिळेल. एकूणच नवे वर्ष 2025 च्या तुलनेत सर्वतोपरी व सर्वांगीण असे चांगले जाईल. या वर्षी संकटांचे प्रमाण कमी राहणार आहे तर यशाचे प्रमाण जास्त असणार आहे. 

 

मिथुन : झगडावे लागणार

 

अपयश-अडथळा-शारीरिक व मानसिक दुबळेपणा या सर्व पार्श्‍वभूमीवर नव्या वर्षात संयम व सहनशीलता याची आपली परीक्षा ग्रह घेणार आहेत. दि. 26 जूनपर्यंत आर्थिक हानी होत राहणार आहे. त्यानंतर हळूहळू आर्थिक गाडी हळूहळू रूळावर येऊ लागेल. शिक्षणासाठी या वर्षात गुरू-राहूचे पाठबळ फारसे मिळणार नाही व कदाचित वाईट लोकांची संगतही लागू शकते. या शक्यता गृहीत धराव्या लागतील. राशीच्या दशमातील शनि कामाचे दडपण व ऑफिसमधील कटकटी खूप वाढविणार असला तरी आपण न डगमगता कामाचा पाठपुरावा केल्यास ते काम सहजपणे पार पडेल. शनि हा कष्टाचा कारक ग्रह असल्याने जास्तीच्या कष्टाची तयारी ठेवल्यास मोठी अडचण उद्भवणार नाही. गुप्त शत्रूंचा ससेमिरा असल्याने वरिष्ठांची खप्पामर्जी आपल्यावर राहणार आहे.

 

शनि हा मार्गी झाल्यापासून ते थेट 27 जुलैला पुन्हा वक्री होईपर्यंत गुप्तशत्रूंचा ससेमिरा चांगलाच वाढणार आहे. असे असले तरी आपणास राहूचे पाठबळ मिळणार असल्याने त्यांना (गुप्तशत्रूंना) फारसे यश मिळणार नसले, तरी यात मानसिक त्रास मात्र चांगलाच होणार आहे. ऑक्टोबरपासून परिस्थितीत चांगला बदल होऊ लागेल. कार्यालयात आपल्या कामाच्या ठिकाणचा त्रासही बराच आवाक्यात येईल. आपल्याबद्दलचे गैरसमज खूप कमी होतील व पुन्हा एकदा    खेळीमेळीचे वातावरण तयार होऊ लागेल. या सर्व प्रकरणातून वरिष्ठांची मर्जी आपण संपादन केल्याने आपल्या बढतीचा मार्ग मोकळा होईल. गुरू हा कर्क राशीत स्थिर होईल व आर्थिक अनुकूलतेला सुरुवात होईल व आपले खर्च आटोक्यात ठेवण्याचा प्रयत्न करा. कर्ज कोणत्याही परिस्थितीत घेऊ नका कारण ते कर्ज फेडायला फार अवघड होऊन बसणार आहे. व्यवहारात अत्यंत दक्ष राहा. ज्या ठिकाणी आपणास काही सुचणार नाही त्या ठिकाणी ज्येष्ठांना विचारा व त्याप्रमाणे वागा. मार्च 27 पर्यंत अत्यंत काळजी आपणास चौफेर घ्यावी लागणार आहे. नव्या वर्षात मानसिक खंबीरपणा सदोदित दाखवावा लागणार आहे. नवमातील राहु-प्रथमात गुरू व दशमात शनि अनपेक्षित पिछेहाटीचा धोका दाखवत आहेत. प्रवासास नवे वर्ष अनुकूल नसल्याने प्रवासाला अत्यंत आवश्यक असेल तरच प्रवास करा. बेकारांना वर्षाच्या मध्यानंतर चांगली संधी येईल. विवाहासाठी नवे वर्ष जून नंतरचा काळ चांगला ठरू शकतो; पण नव्या वर्षात मुहूर्त खूपच कमी असल्याने थोडी धांदल उडणार आहे; पण देवकृपेने सर्व सुरळीत पार पडेल. एकूणच नव्या वर्षात उत्तरार्धात काळ चांगला येत असून, थोडी वाट पाहाणे व तोपर्यंत शांतपणाने किल्ला लढविणे हेच आपल्या हातात आहे व त्यासाठी काटेकोर नियोजन करणे अथवा करावे लागणार आहे.