News - Daily Kesari

विदेश

दक्षिण कोरियात उष्णतेमुळे १६ जणांचे बळी

Samruddhi Dhayagude
05 Aug 2026

यांगसान : दक्षिण कोरियात तीव्र उष्णतेमुळे आतापर्यंत १६ जणांचा बळी गेला आहे. देशाच्या गृह मंत्रालयाने सांगितले की, १५ मे ते २ ऑगस्ट दरम्यान, उष्णतेमुळे होणार्‍या आजारांमुळे दोन हजार २५ नागरिक बळी पडले, त्यापैकी १६ जणांचा मृत्यू झाला.

यांगसान शहरात ४२.५ अंश सेल्सिअस तपमानाची नोंद झाली, जे देशातील आतापर्यंतचे सर्वाधिक तपमान आहे. दक्षिण कोरियातील सर्वाधिक तपमान १ ऑगस्ट २०१८ रोजी ४०.७ अंश सेल्सिअस होते. हा विक्रम यावर्षी तीन वेळा मोडला गेला आहे. ३१ जुलै रोजी ४१.४ अंश सेल्सिअस, २ ऑगस्ट रोजी ४१.६ अंश सेल्सिअस आणि ३ ऑगस्ट रोजी ४२.५ अंश सेल्सिअस तपमानाची नोंद झाली होती.