News - Daily Kesari

देश

पश्चिम बंगालमध्ये यादीतून ९१ लाख नावे वगळली

Samruddhi Dhayagude
08 Apr 2026

कोलकाता : पश्चिम बंगालमध्ये विशेष मतदार यादी सुधारणा (एसआयआर) मोहिमेअंतर्गत मतदार यादीतून ९१ लाख नावे वगळण्यात आली आहे. निवडणूक आयोगाकडून वेगवेगळ्या टप्प्यांत प्रसिद्ध करण्यात आलेल्या आकडेवारीतून ही बाब स्पष्ट झाली आहे.

मागील वर्षी नोव्हेंबरमध्ये एसआयआर प्रक्रिया सुरू झाली. त्यावेळी ६३.६६ लाख (८.३ टक्के) नावे वगळण्यात आली. यामुळे मतदारांची संख्या ७.६६ कोटींवरुन ७.०४ कोटी झाली. न्यायिक छाननी अंतर्गत ६०.०६ लाख मतदारांपैकी २७.१६ लाखांहून अधिक मतदारांची नावे वगळण्यात आली. तर, ३२.६८ लाखांहून अधिक मतदारांची नावे कायम ठेवण्यात आली. एकंदरित, ९०.८३ लाख नावे मतदार यादीतून वगळण्यात आली, असे एका वरिष्ठ अधिकार्‍याने सांगितले. न्यायिक छाननी अंतर्गत ६०.०६ लाख पैकी ५९.८४ लाख प्रकरणे मार्गी लागली आहेत. उर्वरित २२,१६३ प्रकरणांचा निपटारा करण्यात आला असला तरी त्यावर अद्याप ’ई-स्वाक्षरी’ होणे बाकी आहे.