News - Daily Kesari

विदेश

दुबई, अबूधाबी, दोहामधील विमानतळ तीन दिवसांपासून बंद

Wrutuja pandharpure
03 Mar 2026

हजारो प्रवासी अडकले

नवी दिल्ली : अमेरिका, इस्रायल आणि इराणमधील युद्ध वाढत चालले आहे. दुबई, अबूधाबी, दोहा विमानतळ तीन दिवसांपासून बंद आहे. त्यामुळे हजारो प्रवासी अडकून पडले आहेत.मागील तीन दिवसांपासून जगभरातील विमान सेवेवर युद्धाचा परिणाम जाणवत आहे.प्राथमिक आकडेवारीनुसार, सोमवारी सकाळपर्यंत 1,239 उड्डाणे रद्द करण्यात आली होती. त्याआधी, शनिवारी 2,8800 आणि रविवारी 3,156 उड्डाणे विविध देशातून रद्द करण्यात आली होती.

मागील तीन दिवसांपासून इराण, इराक, कुवैत, इस्रायल, बहरीन, संयुक्त अरब अमिरात आणि कतारमधील हवाई क्षेत्र जवळपास रिकामे जाणवत आहे.

मध्य-पूर्वेला मोठा झटकामध्य-पूर्वेतील प्रमुख विमानतळांना युद्धाचा मोठा फटका बसत आहे. दुबईतील आंतरराष्ट्रीय विमानतळ सर्वांत व्यस्त असते. मात्र, तीन दिवसांपासून ते बंद आहे. अबूधाबी आणि दोहा विमानतळ जवळपास बंद असून मर्यादित सेवा सुरु आहेत.