News - Daily Kesari

देश

दिल्‍लीतील महिलांसाठी चार कल्याणकारी योजना

Wrutuja pandharpure
03 Mar 2026

राष्ट्रपती द्रौपदी मुर्मू यांच्या हस्ते उद्घाटन

नवी दिल्‍ली : राष्ट्रपती द्रौपदी मुर्मू यांच्या हस्ते महिलांसाठीं चार कल्याणकारी योजनाचे उद्घाटन झाले. त्यामध्ये दिल्‍ली राज्य सरकारच्या पिंक नॅशनल कॉमन मोबीलीटी कार्ड आणि अन्य तीन योजनांचा समावेश आहे.

सशक्‍त नारी, समृद्ध दिल्‍ली कार्यक्रमात मूर्मू यांनी सांगितले की, महिलांना मोफत बस प्रवासामुळे त्यांच्या सशक्‍तीकरण, स्वातंत्र्य आणि सुरक्षेला चालना मिळेल. इंदिरा गांधी इनडोअर स्टेडियममध्ये आयोजिेत कार्यक्रमात मुर्मू यांनी शिधापत्रिका धारक कुटुंबांना होळी आणि दिवाळीला दोन मोफत गॅस सिलिंडर देण्याची योजना जाहीर केली. 129 कोटी रुपये लाभार्थ्यांच्या खात्यात थेट जमा करण्यात येणार आहेत. त्याशिवाय दिल्‍ली लखपती बिटिया योजना आणि मेरी पूंजी, मेरा अधिकार योजना देखील सुरू करण्यात आली आहे. महिलांना निर्णय घेण्याचे स्वातंत्र्य मिळायला हवे. त्यामुळे समाज आणि देशात बदल घडेल. महिलांचे सशक्‍तीकरण करणे हे केवळ सरकारचे कर्तव्य नसून त्यात समाजाने योगदान द्यावे, असे आवाहनही मुर्मू यांनी या प्रसंगी केले. दिल्‍लीला अधिक समृद्ध करण्यासाठीं योजना हातभार लावतील, असा विश्‍वासही त्यांनी व्यक्‍त केला.