ढाका : बांगला देश नॅशनलिस्ट पार्टीच्या (बीएनबी) अध्यक्ष तारीक रहमान यांची शनिवारी नियुक्‍ती करण्यात आली. त्यांची आई आणि माजी पंतप्रधान खालिदा झिया यांचे नुकतेच निधन झाले. त्यांच्या रिकाम्या जागी तारीक यांची नियुक्‍ती करण्यात आली 

 

पक्षाच्या स्थायी समितीची बैठक झाली. त्या बैठकीत निर्णय घेण्यात आल्याची घोषणा शुक्रवारी केली. पक्षाचे सरचिटणीस जनरल मिर्झा आलमगीर यांनी तारीक यांच्या नियुक्‍तीला दुजोरा दिला आहे. र्बठकींनंतर त्यांनी पत्रकार परिषदेत माहिती दिली. शनिवारी एका सदिच्छा भेटीच्या कार्यक्रमात रहमान म्हणाले की, 5 ऑगस्ट 2024 रोजी अवामी लीग सरकार उलथून टाकण्यापूर्वी देशातील राजकीय परिस्थितीकडे परत जाण्याचे ’कोणतेही कारण’ नाही, आम्हाला 5 ऑगस्टपूर्वीच्या दिवसांमध्ये परत जायचे नाही. तसे करण्याचे आमच्याकडे कोणतेही कारण नव्हते. दरम्यान, खालिदा झिया रुग्णशय्येवर होत्या. तेव्हा रहमान यांच्याकडे हंगामी अध्यक्षपदाची जबाबदारी सोपविली होती. आता झिया यांचे निधन झाले आहे. त्यामुळे पक्षाच्या स्थायी समितीने त्यांची अध्यक्षपदावर एकमताने नियुक्‍ती केली आहे., असे पक्षाने एक्सवरील पोस्टमध्ये नमूद केले आहे. रहमान हे  गेल्या वर्षी 25 डिसेंबर रोजी सुमारे 17 वर्षानंतर ब्रिटनमधून मायदेशी परतले होते.  आता त्यांच्या नेतृत्वाखाली बांगला देश नॅशनलिस्ट पार्टी फेब्रुवारीत होणारी निवडणूक लढविणार आहे.