News - Daily Kesari

‘सुरसुंदरी’ (मंदिरांच्या बाह्यभिंतीवरील स्त्री शिल्पे) असण्यामागील संकल्पना उलगडणार

Wrutuja pandharpure
02 Dec 2025

डॉ. गो. बं. देगलूरकर यांचा मास्टर क्लास

पुणे, 2 डिसेंबर : पुण्यातील इंडी हेरीटेज व परिमल अँड प्रमोद चौधरी फाउंडेशनतर्फे आयोजित करण्यात येणार्‍या ‘मास्टर क्लास’ उपक्रमांतर्गत मूर्तिशास्त्र विषयावरील आंतरराष्ट्रीय ख्यातीचे तज्ञ डॉ. गो. बं. देगलूरकर यांचे ‘सुरसुंदरी’ (मंदिरांच्या बाह्यभिंतीवरील स्त्री शिल्पे) या विषयावर विशेष व्याख्यान आयोजित करण्यात आले आहे.

सदर मास्टर क्लास शनिवार, दिनांक 6 डिसेंबर 2025 रोजी रोजी सकाळी 10:30 वाजता भांडारकर प्राच्यविद्या संशोधन मंदिर येथील नवलमल फिरोदिया सभागृह येथे होणार असून यामध्ये सहभागी होण्यासाठी कोणतेही प्रवेशशुल्क नाही. प्राचीन भारतीय मंदिर स्थापत्यात मंदिराच्या बाह्यांगावर शिल्पित केलेल्या सुरसुंदरींच्या असण्यामागील संकल्पना उलगडून दाखवण्याचा प्रयत्न या व्याख्यानाच्या माध्यामातून केला जाईल.

आपले गुरु डॉ. शां. भा. देव यांच्या सूचनेनुसार डॉ. गो. बं. देगलूरकर यांनी सुरसुंदरी या विषयावर संशोधन केले व महाराष्ट्रातील मंदिरे व मूर्तीकला यासंबंधात एक महत्वाचा परंतु तुलनेने दुर्लक्षित अशा विषयाला जगासमोर आणले. आपल्या संशोधनाच्या माध्यमातून डॉ. देगलूरकरांनी सूरसुंदरींची नावानिशी ओळख पटवली. तसेच, मंदिरावरील त्यांच्या शिल्पांकनाचे प्रयोजन काय असू शकेल यावर देखील प्रकाश टाकला.