News - Daily Kesari

देश

यूट्यूबर ज्योतीचा कोठडीतील मुक्काम वाढला

Samruddhi Dhayagude
10 Jun 2025

हेरगिरी प्रकरण

हिसार : पाकिस्तानसाठी हेरगिरी केल्याच्या आरोपाखाली अटकेत असलेली यूट्यूबर ज्योती मल्होत्रा हिच्या न्यायालयीन कोठडीत येथील न्यायालयाने सोमवारी वाढ केली. आता पुढील सुनावणी २३ जून रोजी होणार आहे.ज्योती हिला काल व्हिडिओ कॉन्फरन्सिंगद्वारे न्यायिक दंडाधिकारी (प्रथम वर्ग) सुनील कुमार यांच्या न्यायालयात हजर करण्यात आले. त्यावेळी न्यायालयाने तिची न्यायालयीन कोठडी दोन आठवड्यांनी वाढवली, असे वकील कुमार मुकेश यांनी सांगितले.

हिसार पोलिसांनी १६ मे रोजी हेरगिरीच्या संशयावरून रोजी अटक केली होती. त्यानंतर, त्यानंतर न्यायालयाने तिला पाच दिवसांची पोलिस कोठडी सुनावली. त्यानंतर, पोलिस कोठडीत चार दिवसांची वाढ केली. २६ मे रोजी न्यायालयाने तिला १४ दिवसांची न्यायालयीन कोठडी सुनावली.