News - Daily Kesari

देश

उत्तर प्रदेशातील अपघातात तिघांचा मृत्यू; चार जखमी

Samruddhi Dhayagude
29 Nov 2024

मोटारीची मालमोटारीला धडक

अमेठी : उत्तर प्रदेशातील रायबरेली सुलनानपूर मार्गावर गौरीगंज येथे मोटारीने मालमोटारीला धडक दिली. दुर्घटनेत तिघांचा मृत्यू तर चार जखमी झाले. गुरूवारी रात्री अपघात झाला होता. त्यात पप्पू काश्यम (वय ४०) यांचा घटनास्थळी तर अमृतेश सिंग बिटू (वय १९) आणि रुपक (वय ४०) यांचा उपचारादरम्यान मृत्यू झाला. अपघातात ते गंभीर जखमी झाले होते. स्थानिक रुग्णालयात त्यांच्यावर उपचार सुरू होेते. काल त्यांचा मृत्यू झाला. अन्य चार जखमींवर उपचार सुरू असल्याची माहिती पोलिस अधिकारी श्याम नारायण पांडे यांनी दिली. सर्वजण करौडी कालन येथून मोटारीतून जात होते. तेव्हा गौरीगंज येथील स्टेट बँकेजवळ उभ्या असलेल्या मालमोटारीला मोटारीने धडक दिली होती. मृतदेह पुढील तपासणीसाठी पाठवले आहेत.