ज्येष्ठ साहित्यिक, दिग्दर्शक वेद राही यांचे निधन   

मुंबई : ज्येष्ठ साहित्यिक, पटकथाकार आणि दिग्दर्शक वेद राही यांचे रविवारी सकाळी ठाणे येथे निधन झाले. ते ९३ वर्षांचे होते. त्यांच्या पश्चात दोन मुली गीतांजली आणि पूनम, असा परिवार  आहे.
 
डोगरी आणि हिंदीतील प्रख्यात लेखक आणि हिंदी चित्रपटसृष्टीतील दिग्दर्शक, पटकथा लेखक अशी त्यांची ओळख होती. सुमारे २५ हिंदी चित्रपटांसाठी  त्यांनी पटकथा आणि संवाद लिहिले. ये रात फिर ना आएगी, पवित्र पापी, बेइमान, मेणाची बाहुली, सन्यासी, चरस यांचा समावेश होता. प्रेम पर्वत, दरार, अंधी सुरंग, डोगरी चित्रपट बोबो, काली घटा (१९८०, रेखा-शशी कपूर)  या चित्रपटांची निर्मिती आणि दिग्दर्शन केले.  त्यांच्या  दूरदर्शन मालिका गाजल्या. त्यामध्ये गुल गुलशन गुलफाम (१९८७, ४५ भाग, एका काश्मिरी कुटुंबाची कथा), मीराबाई मालिका; वीर सावरकर (२००१)  यांचा समावेश होता. त्यांच्या कार्याची दखल घेऊन राज्य सरकारने महाराष्ट्र गौरवने सन्मानित केले होते. कुसुमाग्रज राष्ट्रीय साहित्य पुरस्कार,  महा पंडित राहुल सांकृत्यायन पुरस्कार, जम्मू आणि काश्मीर जीवनगौरव पुरस्काराने त्यांचा गौरव करण्यात आला होता.

Related Articles