भारतीय पुरुष आणि महिला संघाला विजेतेपद   

राष्ट्रकुल कबड्डी अजिंक्यपद स्पर्धा 

अहमदाबाद : भारतीय पुरुष आणि महिला कबड्डी संघांनी पहिल्या राष्ट्रकुल कबड्डी अजिंक्यपद स्पर्धेच्या अंतिम सामन्यात शानदार विजय मिळवत विजेतेपदावर मोहोर उमटवली. पुरुष संघाने श्रीलंकेचा ५४-२० असा, तर महिला संघाने युगांडाचा ३५-१५ असा पराभव करत सुवर्णपदक पटकावले. विशेष म्हणजे, दोन्ही भारतीय संघांनी संपूर्ण स्पर्धेत अपराजित राहून विजेतेपद मिळवले.
 
महिला अंतिम सामन्यात भारताकडून साक्षीने सर्वाधिक नऊ रेड गुण मिळवले. अनुने सहा, तर कर्णधार निधी शर्माने तीन बोनस गुणांसह पाच गुणांची कमाई केली. बचावफळीत रितू आणि सुमन यांनी प्रत्येकी चार टॅकल गुण मिळवत महत्त्वपूर्ण योगदान दिले. भारतीय महिला संघाने रेडमधून २० आणि टॅकलमधून १० गुण मिळवले. या सामन्यात भारताने युगांडाला दोन वेळा ऑलआउट केले. 
 

Related Articles