केरळममध्ये मुदतवाढीस नकार   

नवी दिल्ली : केरळममधील मतदार यादी विशेष तीव्र पडताळणी (एसआयआर) प्रक्रियेस मुदतवाढ देण्यास सर्वोच्च न्यायालयाने शुक्रवारी नकार दिला. पण, त्याचवेळी मतदारांची नावे वगळल्यासंदर्भातील तक्रारींची तपासणी करण्याचे निर्देश न्यायालयाने निवडणूक आयोगास दिले.
 
सरन्यायाधीश सूर्य कांत, न्यायमूर्ती जॉयमाल्या बागची, न्यायमूर्ती व्ही. मोहना यांच्या पीठासमोर याबाबतचा अर्ज तपासणीसाठी होता.मतदार यादीत दुरुस्ती आणि नवीन मतदारांचा समावेश करण्याची प्रक्रिया सुरू असल्याने मुदतवाढ देण्याची गरज नाही, असे न्यायालयाने स्पष्ट केले. पण, जे विहित मुदतीत आपले अर्ज भरू शकले नव्हते. त्यांनी आपली माहिती आयोगाकडे सादर करावी आणि निवडणूक आयोगाने अशा तक्रारी किंवा निवेदने तपासून न्यायालयासमोर अहवाल सादर करावा, असेही नमूद केले. तसेच, मतदार यादीतून मोठ्या प्रमाणावर नावे वगळल्याच्या आरोपांवर उत्तर देण्यासाठी न्यायालयाने निवडणूक आयोगाला चार आठवड्यांचा वेळ दिला. निवडणूक आयोगाद्वारे विविध राज्यांत एसआयआर प्रक्रिया राबवली जात आहे. यास अनेकांनी न्यायालयात आव्हान दिले आहे. त्यावर, सर्वोच्च न्यायालय सुनावणी घेत आहे.

Related Articles