भूतानमध्ये हिमनदीचा तलाव फुटला   

आसाम, पश्चिम बंगालच्या सीमावर्ती भागांना पुराचा इशारा

कोलकाता : भूतानमधील हिमनदीचा तलाव फुटला आहे. त्यामुळे उत्तर पश्चिम बंगालमध्ये पुराचे संकट कोसळण्याचा इशारा देण्यात आला आहे. संकोशी नदी आणि उपनद्यांमध्ये पाणी वाहण्याचा धोका निर्माण झाल्याने परिसरातील नागरिकांना सुरक्षित स्थळी हलविण्याची गरज निर्माण झाली असल्याचे अधिकार्‍यांनी शुक्रवारी सांगितले. 
 
अलीपूरदूर जिल्ह्यातील नदी काठच्या गावातील रहिवाशांनी परिसर सोडावा, असे आवाहन प्रशासनाने केले होते. यानंतर ते पशुधनासह परिसर सोडत असल्याचे चित्र काल दिसले. जलस्रोत तपास आण विकास मंत्री नितीन प्रामाणिक यांनी सांगितले की, भूतानच्या लेमथांग येथील हिमनदी फुटली आहे. त्यामुळे  तलावातील पाणी मो (मोफू) नदीतून वाहून संकोशी नदीत पसरत आहे. संकोशी नदीच्या जलसाठवणूक भागात आणि जोडलेल्या नद्यांच्या परिसरातील नागरिकांना सुरक्षित स्थळी निघून जाण्यास सांगितले आहे. याबाबतची एक चित्रफित संदेशही त्यांनी प्रसारीत केला. नदीकाठच्या तुफानगंज आणि जवळच्या कूच बिहारमधील नागरिकांनी पुराचे संकट पाहता दक्षता घ्यावी. राष्ट्रीय आणि राज्य आपत्ती प्रतिक्रिया दलांना दक्षतेचा इशारा दिला आहे. दार्जिलिंगचे खासदार राजू बिस्ट यांनी नागरिकांना आवाहन केले की, त्यांनी टेकडी, तराई आणि डोअरस परिसरात काळजी घ्यावी. भूतानच्या शिंतापू तलावातील सुमारे ७४ लाख घन मीटर पाणी मो नदीत आले आहे. त्यामुळे पाण्याची पातळी कमालीची वाढली आहे. ते पाणी पश्चिम बंगाल आणि आसमाच्या सीमावर्ती भागात वेगाने येत आहे. 
 

 

Related Articles